ନୂଆଦିଲ୍ଲୀ: ଆଗକୁ ଖେଳାଯିବାକୁ ଥିବା ଆଇସିସି ଟି-୨୦ ବିଶ୍ବକପ ପାଇଁ ଆଜି(ବୁଧବାର) ଭାରତୀୟ ଦଳ ଘୋଷଣା ହେବ । ଏଥିପାଇଁ ଆପତତଃ ୧୪ ଜଣଙ୍କ ନାମରେ ମୋହର ବାଜି ସାରିଛି । ଆସନ୍ତାକାଲି ଦଳ ଘୋଷଣା ହେବାର ଥିଲା କିନ୍ତୁ ତାହା ଆଜି ଘୋଷଣା ହେବାକୁ ସ୍ଥିର ହୋଇଛି ।
ଆଜି ମୁଖ୍ୟ ପ୍ରଶିକ୍ଷକ ରବି ଶାସ୍ତ୍ରୀ ଓ ଲଣ୍ଡନରେ ଥିବା ଅଧିନାୟକ ବିରାଟ କୋହଲି ଭିଡିଓ କନଫରେନ୍ସ ଜରିଆରେ ମନୋନୟନକର୍ତ୍ତାଙ୍କ ସହିତ ଆଲୋଚନା ପରେ ବୈଠକରେ ଚୂଡାନ୍ତ ନିଷ୍ପତ୍ତି ନିଆଯିବ । ବିସିସିଆଇ ସଭାପତି ସୌରଭ ଗାଙ୍ଗୁଲି ଏବଂ ସମ୍ପାଦକ ଜୟ ସାହା ମନୋନୟନ ସମିତି ଉପଦେଷ୍ଟା ଭାବେ ବୈଠକରେ ଉପସ୍ଥିତ ରହିବେ । ଭାରତୀୟ ଦଳର ଅତିକମରେ ୧୩ରୁ ୧୫ ଜଣ ସିଧାସଳଖ ଭାବେ ଟି-୨୦ ବିଶ୍ବକପ ଦଳରେ ସ୍ଥାନ ପାଇବା ନିଶ୍ଚିତ ହୋଇଛି । କେବଳ କିଛି ସ୍ଥାନ ପାଇଁ ଆଲୋଚନା ହେବ ।