କୋଲକାତା: ସୟଦ ମୁସ୍ତାକ ଅଲି ଟ୍ରଫି ଜିତି ନେଇଛି ମୁମ୍ବାଇ । ଷ୍ଟାଟ ଖେଳାଳି ସରଫରାଜ ଖାନ ଓ ତନୁଶ କୋଟିଆନଙ୍କ ଦମଦାର ପ୍ରଦର୍ଶନ ବଳରେ ପ୍ରଥମ ଥର ପାଇଁ ସୟଦ ମୁସ୍ତାକ ଅଲି ଟ୍ରଫି ଜିତିଛି ମୁମ୍ବାଇ । ଉଭୟ ବ୍ୟାଟିଂ ଓ ବୋଲିଂରେ ଉଚ୍ଚକୋଟୀର ପ୍ରଦର୍ଶନ କରି ହିମାଚଳ ପ୍ରଦେଶକୁ 3 ୱିକେଟେ ହରାଇ ଟ୍ରଫି ହାତେଇଛି ମୁମ୍ବାଇ । କୋଲକାତାର ଉଡେନ ଗାର୍ଡେନରେ ସୟଦ ମୁସ୍ତାକ ଅଲି ଟ୍ରଫିର ଫାଇନାଲ ମୁକାବିଲା ହୋଇଥିଲା । ତନୁଶ କୋଟିଆନ ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଛନ୍ତି । ପ୍ରଥମ ଥର ପାଇଁ ଦୁଇ ଦଳ ଫାଇନାଲରେ ପ୍ରବେଶ କରିଥିଲେ ।
ମୁମ୍ବାଇ ଟସ ଜିତି ଫିଲ୍ଡିଂ ନିଷ୍ପତ୍ତି ନେଇଥିଲା । ବ୍ୟାଟିଂ ଆମନ୍ତ୍ରଣ ପାଇଁ ପ୍ରଥମେ ବ୍ୟାଟିଂ କରି ହିମାଚଳ ପ୍ରଦେଶ 8 ୱିକେଟ ହରାଇ 143 ରନ କରିଥିଲା । ପ୍ରାରମ୍ଭରୁ ହିମାଚଳ ପ୍ରଦେଶ ବିରର୍ଯ୍ୟୟର ସମ୍ମୁଖୀନ ହୋଇଥିଲା । ଦଳୀୟ ସ୍କୋର 58ରେ ଦଳ 6 ୱିକେଟ ହରାଇଥିଲା । ମୁମ୍ବାଇର ମୋହିତ ଅବସ୍ଥି ଓ ତନୁଶ ଘାତକ ବୋଲିଂ କରି ହିମାଚଳ ପ୍ରଦେଶର ବିପର୍ଯ୍ୟୟ ଘଟାଇଥିଲେ । ଦଳର ଅନ୍ୟ ବ୍ୟାଟର ଆକାଶ ବିଶିଷ୍ଟ 25, ଏକାନ୍ତ ସେନ 37 ଓ ମୟଙ୍କ ଡଗରଙ୍କ ଅପରାଜିତ 21 ରନ ବଳରେ ଦଳୀୟ ସ୍କୋର 143ରେ ପହଞ୍ଚିଥିଲା । ଅନ୍ୟମାନଙ୍କ ମଧ୍ୟରେ ପ୍ରଶାନ୍ତ ଚୋପ୍ରା 19, ନିଖିଲ 22 ରନ କରିଥିଲେ । ମୁମ୍ବାଇ ପକ୍ଷରୁ ମୋହିତ ଓ ତନୁଶ ପ୍ରତ୍ୟେକ 3ଟି ଲେଖାଏଁ ୱିକେଟ ନେଇଥିଲେ ।