ହାଇଦ୍ରାବାଦ: ସୂର୍ଯ୍ୟକୁମାର ଯାଦବଙ୍କ ମାଇଲଷ୍ଟୋନ୍ । ଚଳିତ ବର୍ଷ ଟି୨୦ କ୍ରିକେଟରେ ୪ଅଙ୍କ ବିଶିଷ୍ଟ ସ୍କୋର ହାସଲ କରିଛନ୍ତି ସୂର୍ଯ୍ୟକୁମାର ଯାଦବ । ସୂର୍ଯ୍ୟକୁମାର ଯାଦବ ଏବେ ଦମଦାର ଫର୍ମରେ ରହିଛନ୍ତି । ବୁଧବାର ଆଇସିସି ଜାରି କରିଥିବା ଟି୨୦ ବ୍ୟାଟିଂ ମାନ୍ୟତାରେ SKY ଶୀର୍ଷ ସ୍ଥାନ ଅଧିକାର କରିଥିଲେ । ଟି୨୦ ବିଶ୍ବକପରେ ତାଙ୍କର ଜବରଦସ୍ତ ଇନିଂସ ବଳରେ ସୂର୍ଯ୍ୟକୁମାର ଏହି ଉପଲବ୍ଧି ହାସଲ କରିବାରେ ସଫଳ ହୋଇପାରିଛନ୍ତି ।
ଏହାସହିତ ଚଳିତ ଟି୨୦ ବିଶ୍ବକପରେ ଏହି ଷ୍ଟାର ବ୍ୟାଟର ତାଙ୍କ ନାମରେ ଆଉ ଏକ ରେକର୍ଡ ଯୋଡିଛନ୍ତି । ଆଜି ଖେଳାଯାଇଥିବା ଜିମ୍ବାୱେ ମ୍ୟାଚ୍ ପରେ ସୂର୍ଯ୍ୟକୁମାର ଯାଦବ ବର୍ଷ ୨୦୨୨ରେ ଟି୨୦ କ୍ରିକେଟରେ ସେ ୧୦୦୦ ରନ୍ ପୂରଣ କରିଛନ୍ତି । ଗୋଟିଏ ବର୍ଷରେ ଟି୨୦ ଫର୍ମାଟରେ ୧୦୦୦ ରନ୍ ସଂଗ୍ରହ କରିଥିବା ପ୍ରଥମ ଭାରତୀୟ କ୍ରିକେଟର ହୋଇପାରିଛନ୍ତି ସୂର୍ଯ୍ୟକୁମାର । ସେ ଜିମ୍ବାୱେ ବିପକ୍ଷରେ ୨୫ ବଲରୁ ୬ଟି ଚୌକା ଓ ୪ଟି ଛକା ସହିତ ୬୧ ରନର ଧୂଆଁଧାର ଇନିଂସ ଖେଳିଥିଲେ ।