କଲମ୍ବୋ:ଅଗଷ୍ଟ ୨୭ରୁ ଖେଳାଯିବ ଏସିଆ କପ୍ ୨୦୨୨ ଟୁର୍ଣ୍ଣାମେଣ୍ଟ । ଏଥର ଏହି ଟୁର୍ଣ୍ଣାମେଣ୍ଟ ଟି-୨୦ ଫର୍ମାଟରେ ଖେଳାଯିବ । ଶ୍ରୀଲଙ୍କାରେ ଅଗଷ୍ଟ ୨୭ରୁ ସେପ୍ଟେମ୍ବର ୧୧ ପର୍ଯ୍ୟନ୍ତ ଖେଳାଯିବ ଏସିଆ କପ ୨୦୨୨ ଟୁର୍ଣ୍ଣାମେଣ୍ଟ। ଏସିଆନ କ୍ରିକେଟ କାଉନସିଲ(ACC) ବାର୍ଷିକ ସାଧାରଣ ବୈଠକ ପରେ ଶନିବାର ଏହି ଘୋଷଣା କରିଛି ।
ଏହାମଧ୍ୟ ପଢନ୍ତୁ: ACC AGM: ସଭାପତି ଜୟ ଶାହାଙ୍କ କାର୍ଯ୍ୟକାଳ ବର୍ଷେ ବୃଦ୍ଧି
ସମସ୍ତ ୫ଟି ଟିମ-- ଆୟୋଜକ ଶ୍ରୀଲଙ୍କା, ଭାରତ, ପାକିସ୍ତାନ, ଆଫଗାନିସ୍ତାନ ଓ ବାଂଲାଦେଶ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିବେ । ଆଉ ଏକ ଟିମ ଅଗଷ୍ଟ ୨୦ରୁ ଆରମ୍ଭ ହେଉଥିବା ଯୋଗ୍ୟତା ପର୍ଯ୍ୟାୟ ଟୁର୍ଣ୍ଣାମେଣ୍ଟ ପରେ ସ୍ପଷ୍ଟ ହେବ । ଏସିଆ କପର ଫର୍ମାଟ୍ ଟି-୨୦ ଓ ଦିନିକିଆ ଫର୍ମାଟରେ ଅଦଳବଦଳ ହୋଇ ଖେଳାଯାଉଛି । ଶେଷ ଥର ପାଇଁ ଏହି ଟୁର୍ଣ୍ଣାମେଣ୍ଟ ୨୦୧୮ରେ ଖେଳାଯାଇଥିଲା ଓ ଏଥିରେ ଭାରତ ବିଜୟୀ ହୋଇଥିଲା। ଏହାର ପରବର୍ତ୍ତୀ ସଂସ୍କରଣ ୨୦୨୦ରେ ଖେଳାଯିବା ନେଇ ସୂଚୀ ରହିଥିଲା ମାତ୍ର COVID-19 ମହାମାରୀ କାରଣରୁ ସ୍ଥଗିତ ରହିଥିଲା ।