ପାର୍ଲ:ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଜାରି ରହିଥିବା ଦିନିକିଆ ସିରିଜର ପ୍ରଥମ ଦିନିକିଆ ମ୍ୟାଚ୍ରେ ଭାରତ ପରାଜିତ ହୋଇଛି । ୩୧ ରନ୍ରେ ଦକ୍ଷିଣ ଆଫ୍ରିକା ବିଜୟ ହାସଲ କରିଛି । ଭାରତକୁ ଭଲ ଆରମ୍ଭ ମିଳିଥିଲା । ତେବେ ଦଳୀୟ ସ୍କୋର୍ ୪୬ ରନ୍ ହୋଇଥିବା ବେଳେ ଅଧିନାୟକ କେ.ଏଲ ରାହୁଲ ଆଉଟ୍ ହୋଇଥିଲେ ।
ଏହାପରେ କୋହଲି ପଡ଼ିଆକୁ ଓହ୍ଲାଇଥିଲେ ବିରାଟ କୋହଲି । ଦ୍ବିତୀୟ ୱିକେଟ ପାଇଁ ଶିଖର ଧୱନ ଓ କୋହଲିଙ୍କ ମଧ୍ୟରେ ୯୨ ରନ୍ ଭାଗିଦାରୀ ହୋଇଥିଲେ । ଏହାରି ମଧ୍ୟରେ ପ୍ରତ୍ୟାବର୍ତ୍ତନ ମ୍ୟାଚ୍ରେ ଅର୍ଦ୍ଧଶତକ ହାସଲ କରିଥିଲେ ଶିଖର ଧୱନ । ତେବେ ୭୯ ରନ୍ କରି ଆଉଟ ହୋଇଥିଲେ । ଏହାପରେ କୋହଲି କିଛି ସମୟ ପଡ଼ିଆରେ ବିତାଇଥିଲେ । ସେ ମଧ୍ୟ ନିଜର ଅର୍ଦ୍ଧ ଶତକ ହାସଲ କରିଥିଲେ । ସବୁଥର ଭଳି ଏଥର ଫ୍ୟାନ ଆଶା କରାଯାଉଥିଲେ ସେ ଶତକ ହାସଲ କରିବେ । ତେବେ ସେ ୫୧ ରନ୍ କରି ପାଭେଲିୟନ ଫେରିଥିଲେ । ଶେଷ ବେଳକୁ ଶାର୍ଦ୍ଦୁଲ ଠାକୁର ବଡ଼ ସଟ୍ ଖେଳି ପ୍ରଥମ ଦିନିକିଆ ଅର୍ଦ୍ଧଶତକ ହାସଲ କରିଥିଲେ ତେବେ ମ୍ୟାଚ୍ରେ ବିଜୟ ହାସଲ କରିବା ପାଇଁ ଏହା ଯଥେଷ୍ଟ ନଥିଲା ।
ଏହାପରେ କୌଣସି ଭାରତୀୟ ବ୍ୟାଟର ଅଧିକ ସମୟ ପଡ଼ିଆରେ ବିତାଇ ପାରିନଥିଲେ । ଦକ୍ଷିଣ ଆଫ୍ରିକା ବୋଲର ଆଗରେ ଭାରତୀୟ ବ୍ୟାଟର ଆତ୍ମସମର୍ପଣ କରିଦେଇଥିବା ମନେ ହେଉଥିଲା । ଗୋଟିଏ ସମୟରେ ଭାରତ ସହଜ ବିଜୟ ହାସଲ କରିବ ମନେ ହେଉଥିବା ମ୍ୟାଚକୁ ଛଡ଼ାଇ ନେଇଥିଲେ ଦକ୍ଷିଣ ଆଫ୍ରିକା । ନିର୍ଦ୍ଧାରିତ ୫୦ ଓଭରରେ ୮ ୱିକେଟ ହରାଇ ୨୬୫ ରନ୍ ହିଁ କରିବାକୁ ସକ୍ଷମ ହୋଇ ପାରିଥିଲା ଟିମ୍ ଇଣ୍ଡିଆ ।