ଜୋହାନ୍ସବର୍ଗ:କ୍ୟାପଟେନ ଡିନ ଏଲଗାରଙ୍କ ଲଢୁଆ ଇଂନିସ ବଳରେ ଭାରତ ବିପକ୍ଷ ଦ୍ବିତୀୟ ଟେଷ୍ଟକୁ ୭ ୱିକେଟରେ ଜିତିଲା ଦକ୍ଷିଣ ଆଫ୍ରିକା । ଫଳରେ ୩ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର ହୋଇଛି । ୨୪୦ ରନ୍ର ବିଜୟ ଲକ୍ଷ୍ୟକୁ ୩ ୱିକେଟ ହରାଇ ହାସଲ କରିନେଇଛି ଘରୋଇ ଟିମ । ଏଥିସହିତ ଜୋହାନ୍ସବର୍ଗରେ ଭାରତର ଟେଷ୍ଟ ଅପରାଜେୟ ରେକର୍ଡ ଭଙ୍ଗ ହୋଇଛି ।
ଡିନ ଏଲଗାର ଅପାରାଜିତ ୯୬ ରନ୍ର ମ୍ୟାଚ୍ ବିଜୟୀ ଇଂନିସ ଖେଳିଥିଲେ । ଚତୁର୍ଥ ଦିନ ଖେଳ ବର୍ଷା ଯୋଗୁଁ ବାଧାପ୍ରାପ୍ତ ହୋଇଥିଲା । ୧୧୮/୨ରୁ ଚତୁର୍ଥ ଦିନ ଖେଳ ଆରମ୍ଭ କରିଥିଲା ଦକ୍ଷିଣ ଆଫ୍ରିକା । ରସି ଭନ ଡସନଙ୍କ ସହ ମିଶି କ୍ୟାପଟେନ ଏଲଗାର ଟିମକୁ ଭଲ ଆରମ୍ଭ ଦେବା ସହ ବିଜୟ ସୁନିଶ୍ଚିତ କରିଥିଲେ । ଉଭୟଙ୍କ ମଧ୍ୟରେ ଅର୍ଦ୍ଧଶତକୀୟ ଭାଗିଦାରୀ ସହ ଦଳୀୟ ସ୍କୋର ୧୪୦ ପାର୍ କରାଇଥିଲେ । ଫଳରେ ଘରୋଇ ଟିମ ବିଜୟ ପାଇଁ ୧୦୦ରୁ କମ ରନ୍ ଆବଶ୍ୟକ କରୁଥିଲା ଓ ହାତରେ ୮ ୱିକେଟ ସୁରକ୍ଷିତ ରହିଥିଲା ।
ଏହାମଧ୍ୟ ପଢନ୍ତୁ:ICC Women's World Cup: ଟିମ ଇଣ୍ଡିଆ ଘୋଷଣା, ପାକିସ୍ତାନ ସହ ପ୍ରଥମ ମୁକାବିଲା