କଲମ୍ବୋ: ଶିଖର ଧାୱନଙ୍କ ନେତୃତ୍ବରେ ସୋମବାର ଭାରତୀୟ ସୀମିତ ଓଭର ସ୍କ୍ବାର୍ଡ ଶ୍ରୀଲଙ୍କାରେ ପହଞ୍ଚିଛି । ଭାରତ ଓ ଶ୍ରୀଲଙ୍କା ମଧ୍ୟରେ ଜୁଲାଇ 13ରୁ ଆରମ୍ଭ ହେବ 3 ମ୍ୟାଚ ବିଶିଷ୍ଟ ଦିନିକିଆ ସିରିଜ ଓ ପରେ ଟି20 ସିରିଜ । ଏହି ଗସ୍ତରେ ରାହୁଲ ଦ୍ରାବିଡ ଟିମ ଇଣ୍ଡିଆର କୋଚ୍ ରହିଛନ୍ତି ।
ଅଲରାଉଣ୍ଡର ହାର୍ଦ୍ଦିକା ପାଣ୍ଡ୍ୟା ନିଜର ଇନଷ୍ଟାଗ୍ରାମ ପେଜ୍ରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ଭାରତୀୟ ଟିମ ଶ୍ରୀଲଙ୍କାରେ ସୁରକ୍ଷିତ ପହଞ୍ଚିଲା ବୋଲି ଉଲ୍ଲେଖ କରିଛନ୍ତି ।
ସଞ୍ଜୁ ସାମସନ, ଇଶାନ କିଶନ, ସୂର୍ଯ୍ୟକୁମାର ଯାଦବ ଏହି ହ୍ବାଇଟ ବଲ୍ ସ୍କ୍ବାଡରେ ରହିଛନ୍ତି । ଏକାଧିକ ଯୁବ ଖେଳାଳି ଶ୍ରୀଲଙ୍କା ସିରିଜରେ ଡେବ୍ୟୁ କରିବା ଲକ୍ଷ୍ୟରେ ରହିଛନ୍ତି ।
ରବିବାର ଭାରତ ଛାଡିବା ପୂର୍ବରୁ କ୍ୟାପଟେନ ଶିଖର ଧାୱନ ଓ କୋଚ୍ ରାହୁଲ ଦ୍ରାବିଡ ପ୍ରି-ମ୍ୟାଚ ସାମ୍ବାଦିକ ସମ୍ମିଳନୀ କରିଥିଲେ । ସିରିଜ ବିଜୟ ଏକମାତ୍ର ଲକ୍ଷ୍ୟ ବୋଲି କହିଥିଲେ କୋଚ୍ ଦ୍ରାବିଡ । ଅନ୍ୟପଟେ ପ୍ରଥର ଥର ଭାରତୀୟ ଟିମର ନେତୃତ୍ବ ନେବାକୁ ଯାଉଥିବା ଧାୱନ କହିଥିଲେ, ଏହା ବଡ ସମ୍ମାନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
