କଲମ୍ବୋ:ଦିନିକିଆ ମ୍ୟାଚରେ ୬ ହଜାର ରନ୍ ପୂରଣ କଲେ ଭାରତୀୟ ଓପନର ଶିଖର ଧାୱନ । ଏଭଳି କିର୍ତ୍ତୀମାନ ହାସଲ କରିବାରେ ସେ ହେଉଛନ୍ତି ଦଶମ ଭାରତୀୟ କ୍ରିକେଟର । ଶ୍ରୀଲଙ୍କା ବିପକ୍ଷରେ ଦିନିକିଆ ସିରିଜର ପ୍ରଥମ ମ୍ୟାଚରେ ସେ ଏହି ମାଇଲଖୁଣ୍ଟ ଅତିକ୍ରମ କରିଛନ୍ତି । କଲମ୍ବୋରେ ଖେଳାଯାଇଥିବା ପ୍ରଥମ ଦିନିକିଆରେ ୭୭ ରନ କରିବା ପରେ ଶିଖର ଧାୱନ ଦିନିକିଆରେ ୬ ହଜାର ରନ୍ ପୂରଣ କରିଛନ୍ତି ।
ଏହାପୂ୍ର୍ବରୁ ଭାରତ ପକ୍ଷରୁ ପ୍ରଥମେ ସଚିନ ତେନ୍ଦୁଲକର, ବିରାଟ କୋହଲି, ସୌରଭ ଗାଙ୍ଗୁଲି, ରାହୁଲ ଦ୍ରାବିଡ, ମହେନ୍ଦ୍ର ସିଂହ ଧୋନୀ, ମହମ୍ମଦ ଆଝାରୁଦ୍ଦିନ, ରୋହିତ ଶର୍ମା, ଯୁବରାଜ ସିଂହ ଓ ବିରେନ୍ଦର ସେହୱାଗ ଏହି ରେକର୍ଡ ହାସଲ କରି ସାରିଛନ୍ତି । ବର୍ତ୍ତମାନ ଶ୍ରିଲଙ୍କା ବିପକ୍ଷରେ ଶିଖର ଧାୱନଙ୍କୁ ଭାରତର ଅଧିନାୟକ ଦାୟିତ୍ବ ଦିଆଯାଇଛି ।