ହାଇଦ୍ରାବାଦ: ଅଷ୍ଟ୍ରେଲିଆ ଗସ୍ତରେ ରହିଛି ଭାରତୀୟ ମହିଳା କ୍ରିକେଟ ଦଳ । ଦୁଇ ଦଳ ମଧ୍ୟରେ ବର୍ତ୍ତମାନ ଟି-୨୦ ସିରିଜ ଜାରି ରହିଛି । ଦ୍ବିତୀୟ ମ୍ୟାଚ୍ରେ ଭାରତ ଅଷ୍ଟ୍ରେଲିଆ ଠାରୁ ୪ ୱିକେଟରେ ପରାଜିତ ହେବାକୁ ପଡ଼ିଛି । ତେବେ ମ୍ୟାଚରେ ଭାରତକୁ ପରାଜିତ ହେବାପରେ ଫାଷ୍ଟ ବୋଲର ଶିଖା ପାଣ୍ଡେ ଚର୍ଚ୍ଚାରେ ରହିଛନ୍ତି । ଏହି ମ୍ୟାଚର ଶିଖାଙ୍କ ଇନ୍ ସ୍ବିଙ୍ଗ୍ ବଲ୍ର କୌଣସି ଜବାବ ଦେଇ ପାରିନଥିଲେ ଅଷ୍ଟ୍ରେଲିଆର ବ୍ୟାଟର୍ ।
୧୧୯ ରନ୍ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିଲେ ଅଷ୍ଟ୍ରେଲିଆର ବ୍ୟାଟର୍ । ପ୍ରଥମ ଓଭର ଶିଖା ପାଣ୍ଡେ ବୋଲିଂ କରିଥିଲେ । ପ୍ରଥମ ବଲ୍ରେ ଓପନର ଅଲିଶା ହିଲି ଏକ ଚୌକା ମାରିଥିଲେ । ଏହାପରେ ଶିଖା ଏକ ଇନ୍ ସ୍ବଙ୍ଗ୍ ବଲରେ ଅଲିଶା ବୋଲ୍ଡ ହୋଇଥିଲେ । ଏଭଳି ଏକ ବଲ୍ର ଭୁରିଭୁରି ପ୍ରଶଂସା କରିଥିଲେ ଭାଷ୍ୟକାର । ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ମ୍ୟାଚରେ ବହୁ ଥର ସେ ଏଭଳି ବୋଲିଂ କରିଥିଲେ । ଯାହାଫଳେ ଅଷ୍ଟ୍ରେଲିଆର ବୋଲରଙ୍କୁ ବହୁ ସମସ୍ୟାର ସମ୍ମୁଖୀ ହେବାକୁ ପଡ଼ିଥିଲା । ଶିଖା ପାଣ୍ଡେଙ୍କ ବଲ୍ର ଅଷ୍ଟ୍ରେଲିଆ ବ୍ୟାଟରଙ୍କ ପାଖରେ କୌଣସି ଜବାବ ନଥିଲା ।