ହାଇଦ୍ରାବାଦ:ଭାରତୀୟ କ୍ରିକେଟ ଟିମର ୱିକେଟକିପର ବ୍ୟାଟର ସଞ୍ଜୁ ସମାସନଙ୍କୁ ଟି୨୦ ଓ ଦିନିକିଆ ସିରିଜରେ ଅବହେଳା କରାଯାଉଛି । ତେବେ ତାଙ୍କ ଭଳି ପ୍ରତିଭାବାନ କ୍ରିକେଟରଙ୍କୁ BCCIର ଅଣଦେଖା ନେଇ ସୋସିଏଲ ମିଡିଆରେ ବିଭିନ୍ନ ପ୍ରଶ୍ନ ଉଠିଛି । ତେବେ ଏହି ମାମଲାରେ କେରଳ ସାଂସଦ ଶଶି ଥରୁର ଟିମ୍ ଇଣ୍ଡିଆ ଚୟନକୁ ନେଇ ଅଙ୍ଗୁଳି ଉଠାଇ ଏକ ଟ୍ବିଟ କରିଛନ୍ତି । ଯାହା ଏବେ ବେଶ ଭାଇରାଲ ହେବାରେ ଲାଗିଛି ।
ଜାନୁଆରୀରେ ଭାରତ ଶ୍ରୀଲଙ୍କା ବିପକ୍ଷରେ ତିନି ଟିକିଆ ଟି୨୦ ସିରିଜ ଏବଂ ୩ ଟିକିଆ ଦିନିକିଆ ସିରିଜ ଖେଳିବ । ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରେ ସଞ୍ଜୁ ସାମସନଙ୍କୁ ଅଣଦେଖା କରାଯାଇଛି । ତାଙ୍କ ବଦଳରେ ଇଶାନ କିଶାନ ଏବଂ ଲୋକେଶ ରାହୁଲଙ୍କୁ ୱିକେଟ କିପର ବ୍ୟାଟର ଭାବରେ ସ୍ଥାନ ମିଳିଛି । ଯେଉଁ କାରଣରୁ ତୃତୀୟ ୱିକେଟ କିପର ବ୍ୟାଟରଙ୍କୁ ଦଳରେ ସ୍ଥାନ ମିଳିପାରି ନାହିଁ । ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରେ ସଞ୍ଜୁ ସାମସନ ବାଦ ପଡିଛନ୍ତି । ଏନେଇ କଂଗ୍ରେସ ସାଂସଦ ଶଶି ଥରୁର ଟିମ ଇଣ୍ଡିଆ ସିଲେକ୍ସନ କମିଟି ଉପରେ ଆଙ୍ଗୁଠି ଉଠାଇଛନ୍ତି । ସେ କହିଛନ୍ତି ଦଳରେ ସ୍ଥାନ ପାଇବା ପାଇଁ ଆଉ କେତେ ରନର ଆଭରେଜ ଆବଶ୍ୟକ ରହିଛି । ଶଶି ଥରୁର ଶ୍ରୀଲଙ୍କା ଦିନିକିଆ ବିପକ୍ଷରେ ଦଳ ଘୋଷଣା ପରେ ସୋସିଆଲ ମିଡିଆରେ ସଞ୍ଜୁ ସାମସନଙ୍କର ଏକ ଫଟୋ ସେୟାର କରିବା ସହିତ BCCIକୁ ପ୍ରଶ୍ନ ବାଣ ମାରିଛନ୍ତି ।