ମୁମ୍ବାଇ: ଆଗାମୀ ଲିଜେଣ୍ଡ ଲିଗ୍ କ୍ରିକେଟରେ ଅଂଶଗ୍ରହଣ କରିବେ ନାହିଁ କିମ୍ବଦନ୍ତୀ ଭାରତୀୟ କ୍ରିକେଟର ସଚିନ ତେନ୍ଦୁଲକର । ଏନେଇ ଶନିବାର SRT ସ୍ପୋର୍ଟ୍ସ ମ୍ୟାନେଜମେଣ୍ଟ ପ୍ରାଇଭେଣ୍ଟ ଲିମିଟେଡ୍ ପକ୍ଷରୁ ଘୋଷଣା କରାଯାଇଛି । ପୂର୍ବତନ କ୍ରିକେଟରଙ୍କୁ ନେଇ ଲିଜେଣ୍ଡ ଲିଗ୍ କ୍ରିକେଟ ଟୁର୍ନାମେଣ୍ଟ ଖେଳାଯାଉଛି । ଓମାନରେ ଜାନୁଆରୀ ୨୦ରୁ ଏହି ଟୁର୍ନାମେଣ୍ଟ ଖେଳାଯିବା ନେଇ ସୂଚୀ ରହିଛି । ଲିଗ୍ର ଏକ ପ୍ରୋମୋ ଭିଡିଓରେ ବଲିଉଡ୍ର ଭେଟେରାନ ଅଭିନେତା ଅମିତାଭ ବଚ୍ଚନ ନଜର ଆସିଛନ୍ତି ଓ ତେନ୍ଦୁଲକର ଏହି ଲିଗ୍ରେ ଖେଳିବାକୁ ଯାଉଛନ୍ତି ।
ମାତ୍ର SRT ସ୍ପୋର୍ଟ୍ସ ମ୍ୟାନେଜମେଣ୍ଟର ମୁଖପାତ୍ର କହିଛନ୍ତି," ଲିଜେଣ୍ଡ ଲିଗ୍ କ୍ରିକେଟରେ ସଚିନ ତେନ୍ଦୁଲକରଙ୍କ ଅଂଶଗ୍ରହଣ ଖବର ସତ ନୁହେଁ । ଆୟୋଜକ କ୍ରିକେଟ ଫ୍ୟାନ୍ସ ଓ ଅମିତାଭ ବଚ୍ଚନଙ୍କୁ ଭୁଲ ତଥ୍ୟ ଦେବାରୁ ନିବୃତ ରହିବା ଉଚିତ୍ ।"
ସଚିନଙ୍କ ମ୍ୟାନେଜମେଣ୍ଟ ଟିମ ନାଖୁସ ଜାହିର କରିବା ପରେ ବିଗବି ଅମିତାଭ ବଚ୍ଚନ ଲିଗ୍ର ପ୍ରଥମ ପ୍ରୋମୋ ଭିଡିକୁ ଟ୍ବିଟରରୁ ହଟାଇବା ସହ କ୍ଷମା ପ୍ରାର୍ଥନା କରିଛନ୍ତି । ଏଥିସହ ଆଉ ଏକ ପ୍ରୋମୋ ଭିଡିଓ ସେୟାର କରିଛନ୍ତି ।