ନୂଆଦିଲ୍ଲୀ: କିମ୍ବଦନ୍ତୀ ଅଷ୍ଟ୍ରେଲୀୟ ସ୍ପିନର ସେନ ୱାର୍ଣ୍ଣଙ୍କ ମୃତ୍ୟୁରେ ଗଭୀର ଶୋକ ବ୍ୟକ୍ତ କରିଛନ୍ତି ପୂର୍ବତନ ଭାରତୀୟ କ୍ରିକେଟ ସଚିନ ତେନ୍ଦୁଲକର । ସଚିନ କହିଛନ୍ତି, "ତୁମପାଇଁ ଭାରତୀୟଙ୍କ ନିକଟରେ ସ୍ବତନ୍ତ୍ର ସ୍ଥାନ ଥିଲା" ।
ଯାଦୁଗରୀ ସ୍ପିନର ୫୨ ବର୍ଷ ବୟସରେ ଶୁକ୍ରବାର ଶେଷ ନିଶ୍ବାସ ତ୍ୟାଗ କରିଛନ୍ତି । ଏକ ସନ୍ଦେହଜନକ ହୃଦଘାତରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ଟ୍ବିଟ୍ ଯୋଗେଁ, ୱାର୍ଣ୍ଣଙ୍କ ଉଦ୍ଦେଶ୍ୟରେ ଏକ ଭାବପୂର୍ଣ୍ଣ ଟ୍ବିଟ୍ ଲେଖି ଶୋକବ୍ୟକ୍ତ କରିବା ସହ ଶ୍ରଦ୍ଧାଞ୍ଜଳି ଜଣାଇଛନ୍ତି ସଚିନ । ସେନ ୱାର୍ଣ୍ଣ ବିଶ୍ବର ଅନ୍ୟତମ ସର୍ବକାଳୀନ ଶ୍ରେଷ୍ଠ ଲେଗ ସ୍ପିନର ଥିଲେ । ଘାତକ ସ୍ପିନ ବୋଲିଂ ପାଇଁ ତାଙ୍କୁ 'କିଙ୍ଗ୍ ଅଫ୍ ସ୍ପିନ' କୁହାଯାଉଥିଲା । ୧୪୫ଟି ଟେଷ୍ଟ ମ୍ୟାଚ୍ରୁ ୱାର୍ଣ୍ଣ ୭୦୮ ୱିକେଟ ହାସଲ କରିଛନ୍ତି ।