ଭୋପାଳ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ଭେଟିଛନ୍ତି ଭାରତୀୟ ପୂର୍ବତନ କ୍ରିକେଟର ସଚିନ ତେନ୍ଦୁଲକର । ଶିବରାଜ ସିଂ ଚୌହାନଙ୍କ ବାସଭବନରେ ତାଙ୍କୁ ଭେଟିଛନ୍ତି କ୍ରିକେଟ ମାଷ୍ଟର ବ୍ଲାଷ୍ଟର ସଚିନ । ଏହାସହିତ ମଧ୍ୟପ୍ରଦେଶର ଏକ ଦୁର୍ଗମ ଅଞ୍ଚଳରେ ଥିବା ଏକ ଗାଁରେ ପିଲାମାନଙ୍କୁ ମଧ୍ୟ ଭେଟିଥିଲେ ସଚିନ ।
ମଧ୍ୟପ୍ରଦେଶରେ ସିୱାନିଆ ଗାଁରେ ପିଲାଙ୍କ ପାଇଁ ହୋଇଥିବା ଅନେକ ସାମାଜିକ ପ୍ରକଳ୍ପ ପରିଦର୍ଶନ କରିଛନ୍ତି । ଏହି ସବୁ ପ୍ରକଳ୍ପକୁ ସମର୍ଥନ କରିଛନ୍ତି ସଚିନ । ତେନ୍ଦୁଲକର ତାଙ୍କ ବାପା ସ୍ବର୍ଗତ ରମେଶ ତେନ୍ଦୁଲକରଙ୍କ ନାମରେ ଏକ ସ୍କୁଲ ଖୋଲିଛନ୍ତି । ଯାହା 'ପରିବାର' ଆସୋସିଏସନ ସହିତ ଜଡିତ । ସେଠାରେ ପିଲାମାନଙ୍କୁ ସ୍ବାସ୍ଥ୍ୟ, ଶିକ୍ଷା, ପୋଷଣଯୁକ୍ତ ଖାଦ୍ୟ ଯୋଗାଇବା ପାଇଁ କାର୍ଯ୍ୟ କରୁଛନ୍ତି ସଚିନ ।