ସେଞ୍ଚୁରିଆନ(ଦକ୍ଷିଣ ଆଫ୍ରିକା): କେଏଲ ରାହୁଲଙ୍କ ଅପରାଜିତ ଶତକ ବଳରେ ସେଞ୍ଚୁରିଆନ ଟେଷ୍ଟର ପ୍ରଥମ ଦିନରେ ଡ୍ରାଇଭର ସିଟ୍ରେ ଟିମ ଇଣ୍ଡିଆ । ସୁପର ସ୍ପୋର୍ଟ ପାର୍କରେ ଖେଳାଯାଉଥିବା ଭାରତ-ଦକ୍ଷିଣ ଆଫ୍ରିକା ୩ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟର ପ୍ରଥମ ଦିନ ଖେଳ ଶେଷ ହୋଇଛି । ପ୍ରଥମ ଦିନ ଷ୍ଟମ୍ପ୍ ଅପସାରଣ ସୁଦ୍ଧା ଭାରତର ସ୍କୋର ୨୭୨/୩ ରହିଛି । କେଏଲ ରାହୁଲ ୧୨୨* ଓ ଅଜିଙ୍କ୍ୟ ରାହାଣେ ୪୦* ରନ୍ରେ ଅପରାଜିତ ଅଛନ୍ତି । ଦକ୍ଷିଣ ଆଫ୍ରିକା ପାଇଁ ଲୁଙ୍ଗି ନିଙ୍ଗିଡି, ଭାରତୀୟ କ୍ୟାପଟେନ ବିରାଟ କୋହଲିଙ୍କ ୱିକେଟ ସମେତ ୩ଟି ୱିକେଟ ହାସଲ କରିଛନ୍ତି ।
୧୫୭/୨ରୁ ତୃତୀୟ ସେସନ ଖେଳ ଆରମ୍ଭ କରିଥିଲେ ବିରାଟ କୋହଲି ଓ ରାହୁଲ । ପିଚ୍ର ଉଭୟ ପାର୍ଶ୍ବରୁ ଉଭୟ ରନ ଗତି ବଢାଇଥିଲେ । ତେବେ ଦୁର୍ଭାଗ୍ୟପୂର୍ଣ୍ଣ ଭାବେ ୩୫ ରନ୍ରେ ବ୍ୟାଟିଂ କରୁଥିବା ସମୟରେ ଲୁଙ୍ଗି ନିଙ୍ଗିଡିଙ୍କ ବଲ୍ରେ ଆଉଟ୍ ହୋଇଥିଲେ । ଫଳରେ ଟିମ ଇଣ୍ଡିଆର ସ୍କୋର ୧୯୯/୩ ହୋଇଥିଲା । ପରେ ରାହୁଲଙ୍କ ସହ ବ୍ୟାଟିଂ ପାଇଁ ରାହାଣେ ଯୋଗଦେଇଥିଲେ ଓ ଭାରତୀୟ ଇଂନିସକୁ ଆଗକୁ ବଢାଇଥିଲେ ।
ପୂର୍ବରୁ ନିଙ୍ଗିଡି ଓପନର ମୟଙ୍କ ଅଗ୍ରୱାଲ(୬୦)ଙ୍କୁ ଓ ଚେତେଶ୍ବର ପୂଜାରାଙ୍କୁ ଖାତା ଖୋଲିବା ପୂର୍ବରୁ ପାଭିଲିୟନ ଫେରାଇ ଦେଇଥିଲେ । ତେବେ ଅଗ୍ରୱାଲ ଓ ରାହୁଲ ଭାରତକୁ ଭଲ ଆରମ୍ଭ ଦେଇଥିଲେ । ଉଭୟଙ୍କ ମଧ୍ୟରେ ଦମଦାର