କୋଲକାତା:ପଶ୍ଚିମବଙ୍ଗ ରାଜଧାନୀ କୋଲକାତା ସ୍ଥିତ ଇଡେନ ଗାର୍ଡେନରେ ଖେଳାଯାଉଛି ଆଇସିସି କ୍ରିକେଟ ବିଶ୍ବକପ ୨୦୨୩ର ଦ୍ବିତୀୟ ସେମି ଫାଇନାଲ ମ୍ୟାଚ୍ । ତେବେ ଏହି ମ୍ୟାଚ୍ରେ ଅଷ୍ଟ୍ରେଲିଆ ଓ ସାଉଥ ଆଫ୍ରିକା ମଧ୍ୟରେ ଖେଳାଯାଉଥିବା ବେଳେ ଟିମ ଉପରେ ଭାରି ପଡ଼ିଛନ୍ତି କଙ୍ଗାରୁ ଟିମ । ଆରମ୍ଭରୁ ଅଷ୍ଟ୍ରେଲିଆ ବୋଲରଙ୍କ ଆକ୍ରମଣାତ୍ମକ ବୋଲିଂରେ ଦକ୍ଷିଣ ଆଫ୍ରିକାର ବ୍ୟାଟିଂ ଟପ୍ ଅର୍ଡର ମାଟି କାମୁଡିଥିବା ବେଳେ ଡେଭିଡ ମିଲର ଲଢୁଆ ପାରି ଖେଳି ଶତକ ହାସଲ କରିଥିଲେ । ସେପଟେ ଲଗାତର ଅଷ୍ଟ୍ରେଲିଆ ଟିମର ଆଟାକିଂ ବୋଲିଂରେ ୪୯.୨ ଓଭର ସୁଦ୍ଧା ୨୧୨ ରନରେ ଅଲଆଉଟ ହୋଇଛି ଦକ୍ଷିଣ ଆଫ୍ରିକା । ଫଳରେ ଅଷ୍ଟ୍ରେଲିଆ ଆଗରେ ରହିଛି ୨୧୩ ଟାର୍ଗେଟ ।
ସେମି ଫାଇନାଲ ଭଳି ଗୁରୁତ୍ବପୂର୍ଣ୍ଣ ମ୍ୟାଚ୍ରେ ଆଜି ଫେଲ ମାରିଛନ୍ତି ଦକ୍ଷିଣ ଆଫ୍ରିକାର ୨ ଓପନର । ଉଭୟ ଦୁଇ ଅଙ୍କ ମଧ୍ୟ ଛୁଇଁ ପାରିନାହାନ୍ତି । ଅଷ୍ଟ୍ରେଲିଆ ବୋଲରଙ୍କ ଉତ୍କୃଷ୍ଟ ପ୍ରଦର୍ଶନ ଯୋଗୁଁ ବିପକ୍ଷ ଟିମର ୨ ଓପନର ମାଟି କାମୁଡିଛନ୍ତି । ଟିମର ଷ୍ଟାର ବ୍ୟାଟର କ୍ବିଣ୍ଟନ ଡିକକ ୧୪ ବଲ ଖେଳି ମାତ୍ର ୩ ରନ୍ କରିଥିବା ବେଳେ ଅଧିନାୟକ ତଥା ଅନ୍ୟତମ ଓପନର ଟେମ୍ବା ବଭୁମା ଶୂନରେ ଆଉଟ୍ ହୋଇଥିଲେ । ଓପନରଙ୍କ ପରେ ଟିମର ଟପ୍ ଅର୍ଡର ବ୍ୟାଟର ମଧ୍ୟ ଉତ୍ତମ ପ୍ରଦର୍ଶନ କରିବାରେ ବିଫଳ ହୋଇଥିଲେ । ରାସି ଡୁସେନ ଓ ଏଡେନ ମାକ୍ରମ ଯଥାକ୍ରମେ ୬ ଓ ୧୦ ରନ୍ କରିଥିଲେ ।
ଏହା ବି ପଢନ୍ତୁ- AUS Vs SA: ବର୍ଷା କମିବା ପରେ ଖେଳ ଆରମ୍ଭ, ପୁଣି ପାଗ ବାଧକ ସାଜିବା ସମ୍ଭାବନା