ମୁମ୍ବାଇ: ଓନପର ବ୍ୟାଟ୍ର ଋତୁରାଜ ଗାଏକ୍ବାଡ(ruturaj gaikwad) ବୁଧବାରଠାରୁ ଆରମ୍ଭ ହେବାକୁ ଯାଉଥିବା ବିଜୟ ହଜାରେ ଟ୍ରଫି ଜାତୀୟ ଏକଦିବସୀୟ କ୍ରିକେଟ ଟୁର୍ନାମେଣ୍ଟରେ ମହାରାଷ୍ଟ୍ରର ୨୦ ସଦସ୍ୟ ଟିମର ନେତୃତ୍ବ ନେବେ । ରାଜ୍ୟ ଚୟନ କମିଟି ରାହୁଲ ତ୍ରିପାଠୀଙ୍କୁ ଉପଅଧିନାୟକ ନିଯୁକ୍ତ କରିଛନ୍ତି ।
ମହାରାଷ୍ଟ୍ର ଗ୍ରୁପ ଡି'ରେ ରହିଛି ଓ ରାଜକୋଟ୍ରେ ଟିମ ମ୍ୟାଚ୍ ଖେଳିବ । ଏହି ଗ୍ରୁପ୍ରେ ମଧ୍ୟପ୍ରଦେଶ, ଛତିଶଗଡ, କେରଳ, ଉତ୍ତରାଖଣ୍ଡ ଓ ଚଣ୍ଡିଗଡ ଟିମ ରହିଛି । ମହାରାଷ୍ଟ୍ର ପ୍ରଥମ ମୁକାବିଲା ବୁଧବାର ମଧ୍ୟ ପ୍ରଦେଶ ବିପକ୍ଷରେ ଖେଳିବ ।
ଆଇପିଏଲ(IPL) ରେ ଚେନ୍ନାଇ ସୁପର କିଙ୍ଗ୍ସ(CSK) ଫକ୍ଷରୁ ଖେଳୁଥିବା ଋତୁରାଜ ଗାଏକ୍ବାଡ ଆଇପିଏଲ ୨୦୨୧ରେ ୧୬ଟି ମ୍ୟାଚ୍ରୁ ୪୫.୩୫ ଆଭରେଜ ଓ ୧୩୬.୨୬ ଷ୍ଟ୍ରାଇକ୍ ରେଟ୍ରେ ୬୩୫ ରନ୍ ସଂଗ୍ରହ କରିଥିଲେ ଓ ଅରେଞ୍ଜ କ୍ୟାପ୍ ବିଜେତା ରହିଥିଲେ । କ୍ୟାରିୟରର ପ୍ରଥମ ଆଇପିଏଲ ଶତକ ମଧ୍ୟ ହାସଲ କରିଥିଲେ ।