ପୁନେ: ଯୁବ ଭାରତୀୟ ବ୍ୟାଟ୍ର ଋତୁରାଜ ଗାଏକ୍ବାଡଙ୍କୁ ନୂଆ ଦାୟିତ୍ବ । ନଭେମ୍ବର ୪ରୁ ଆରମ୍ଭ ହେବାକୁ ଯାଉଥିବା ସୟଦ ମୁସ୍କାକ ଅଲୀ ଟ୍ରଫି ଟି-୨୦ ଟୁର୍ଣ୍ଣାମେଣ୍ଟରେ ମହାରାଷ୍ଟ୍ର ଟିମର ନେତୃତ୍ବ ନେବେ ଋତୁରାଜ । ମହାରାଷ୍ଟ୍ରକୁ ଏଲିଟ୍ ଗ୍ରୁପ୍ ଏ' ରେ ରଖାଯାଇଛି ।
ଋତୁରାଜ ଗାଏକ୍ବାଡଙ୍କ ଟିମ ଲିଗ ପର୍ଯ୍ୟାୟ ମ୍ୟାଚ୍ ଲକ୍ଷ୍ନୌରେ ଖେଳିବ । ପ୍ରଥମ ମୁକାବିଲା ତାମିଲନାଡୁ ସହ ହେବ । ଇଣ୍ଡିଆନ ପ୍ରିମିୟର ଲିଗ୍ରେ ସର୍ବାଧିକ ରନ୍ ସଂଗ୍ରହକାରୀ ଋତୁରାଜଙ୍କ ସହ ନୈଶାଦ ଶୈଖଙ୍କୁ ଉପ-ଅଧିନାୟକ ଚୟନ କରାଯାଇଛି । କୋଲକାତା ନାଇଟ ରାଇଡର୍ସ ପକ୍ଷରୁ ଖେଳୁଥିବା ରାହୁଲ ତ୍ରିପାଠୀ ଆହତ ସମସ୍ୟାରୁ ବାହାରି ପାରିନଥିବାରୁ ଟିମରେ ସାମିଲ କରାଯାଇନାହିଁ । ସିନିୟର ବ୍ୟାଟ୍ର କେଦାର ଯାଦବଙ୍କୁ ଟିମରେ ସାମିଲ କରାଯାଇଛି ।