ହାଇଦ୍ରାବାଦ: 3 ଫର୍ମାଟର କ୍ୟାପ୍ଟେନ ହେଲେ ରୋହିତ ଶର୍ମା । ପୂର୍ବରୁ ୨ ଫର୍ମାଟରେ କ୍ୟାପ୍ଟେନ ଥିବାବେଳେ ହିଟ୍ ମ୍ୟାନ ରୋହିତ ଶର୍ମାଙ୍କୁ ହ୍ବାଇଟ ବଲ୍ ଅଧିନାୟକ ଦାୟିତ୍ବ ହସ୍ତାନ୍ତର । ଶ୍ରୀଲଙ୍କା ବିପକ୍ଷ ମ୍ୟାଚରୁ ଟେଷ୍ଟ ଅଧିନାୟକ ଦାୟିତ୍ବ ତୁଲାଇବେ ରୋହିତ ।
ଆଜି(ଶନିବାର) ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜ୍ ଦଳ ଘୋଷଣା କରିଛି ବୋର୍ଡ ଅଫ୍ କଣ୍ଟ୍ରୋଲ ଫର୍ କ୍ରିକେଟ ଇନ୍ ଇଣ୍ଡିଆ(BCCI) । ରୋହିତଙ୍କୁ ପୂର୍ଣ୍ଣକାଳୀନ ଅଧିନାୟକ ଦାୟିତ୍ବ ହସ୍ତାନ୍ତର କରାଯାଇଛି । ସେପଟେ ଶ୍ରୀଲଙ୍କା ବିପକ୍ଷ ଟେଷ୍ଟ ସିରିଜରୁ ଅଜିଙ୍କ୍ୟ ରାହାଣେ ଏବଂ ଚେତେଶ୍ବର ପୂଜାରାଙ୍କୁ ବାଦ୍ ଦେଇଛି BCCI ।
ତେବେ ଡିସେମ୍ବର ୨୦୨୧ ରେ ରୋହିତ ଟେଷ୍ଟ ଟିମ୍ର ଉପ-ଅଧିନାୟକ ଭାବେ ନିଯୁକ୍ତି ପାଇଥିଲେ । ପୂର୍ବତନ କ୍ୟାପ୍ଟେନ ବିରାଟ କୋହଲି ପଦରୁ ଇସ୍ତଫା ଦେବା ପରେ ରୋହିତଙ୍କୁ ଅନ୍ୟ ୨ ଫର୍ମାଟ ଟି-୨୦ ଏବଂ ଦିନିକିଆରେ ଅଧିନାୟକ ଦାୟିତ୍ବ ମିଳିଥିଲା । ବର୍ତ୍ତମାନ ସମସ୍ତ ୩ ଫର୍ମାଟର ପୂର୍ଣ୍ଣକାଳୀନ ଅଧିନାୟକ ଭାବେ ରୋହିତଙ୍କୁ ନିଯୁକ୍ତି ଦେଇଛି BCCI ।