ନୂଆଦିଲ୍ଲୀ: ଆଗ ଅପେକ୍ଷା ପାକିସ୍ତାନ ଜାତୀୟ ଦଳ ପାଇଁ ଖେଳିବା ବର୍ତ୍ତମାନ ସହଜ ହୋଇଛି । ଏହା କହିଛନ୍ତି ପାକିସ୍ତାନର ପୂର୍ବତନ କ୍ରିକେଟର ଶାହିଦ ଆଫ୍ରିଦି । ଏକ ସମାରୋହରେ ଯୋଗ ଦେଇ ପାକିସ୍ତାନ ଜାତୀୟ ଦଳର ଚୟନକର୍ତ୍ତାଙ୍କୁ ଟାର୍ଗେଟ କରିଛନ୍ତି ଆଫ୍ରିଦି । ସିମିତ ଓଭର କ୍ରିକେଟରେ ଦଳୀୟ ଖେଳାଳିଙ୍କୁ ବାରମ୍ବାର ପରିବର୍ତ୍ତନ କରିବା ଓ ଯୁବ କ୍ରିକେଟରଙ୍କୁ ଶୀଘ୍ର ଅବସର ଦେବାକୁ ଆଲୋଚନା କରିଛନ୍ତି ଆଫ୍ରିଦି ।
ସେ କହିଛନ୍ତି ଯେ, "ପୂର୍ବରୁ ପାକିସ୍ତାନ ଦଳ ପାଇଁ ଖେଳିବା କ୍ରିକେଟରଙ୍କ ମୂଳ ଲକ୍ଷ୍ୟ ରହୁଥିଲା । କିନ୍ତୁ ବର୍ତ୍ତମାନ ପାକିସ୍ତାନ ପାଇଁ ଖେଳିବା ସହଜ ହୋଇଛି । ଘରୋଇ କ୍ରିକେଟର ବହୁତ କମ୍ ଅଭିଜ୍ଞତା ସତ୍ତ୍ବେ ଦଳରେ ସେମାନଙ୍କୁ ସୁଯୋଗ ଦିଆଯାଉଛି । ପୁଣି ଖରାପ ପ୍ରଦର୍ଶନ ହେଲେ ତାଙ୍କୁ ତୁରନ୍ତ ଦଳରୁ ବାହାର ରାସ୍ତା ଦେଖାଇ ଦିଆଯାଉଛି ।"