ଲାହୋର(ପାକିସ୍ତାନ): ପାକିସ୍ତାନ କ୍ୟାପଟେ୍ନ ବାବର ଆଜମଙ୍କ ଦମଦାର ଶତକ ଓ ଓପନର ଇମାମ-ଉଲ-ହକ୍ଙ୍କ ଉପଯୋଗୀ ଇଂନିସ ବଳରେ ଅଷ୍ଟ୍ରେଲିଆକୁ ଦ୍ବିତୀୟ ODI ମ୍ୟାଚ୍ରେ ୬ ୱିକେଟରେ ହରାଇଛି ପାକିସ୍ତାନ । ଗୁରୁବାର ଗଦ୍ଦାଫି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ରେକର୍ଡ ରନ୍ ଚେଜ୍ ସହ ପାକିସ୍ତାନ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ୧-୧ରେ ବରାବର କରିଛି ।
୩୪୯ ରନ୍ର ବଡ ବିଜୟ ଲକ୍ଷ୍ୟକୁ ପିଛା କରିଥିବା ପାକିସ୍ତାନ ପାଇଁ ଦୁଇ ଓପନର ଫଖର ଜମନ ଓ ଇମାମ ଉଲ୍-ହକ୍ ପ୍ରଥମ ୱିକେଟ ଯୋଡିରେ ୧୧୮ ରନ୍ର ଭାଗିଦାରୀ କରିଥିଲେ । ପରେ ମାର୍କସ ଷ୍ଟୋଇନିସ ୬୭ ରନ୍ରେ ବ୍ୟାଟିଂ କରୁଥିବା ଫଖର ଜମନଙ୍କୁ ଆଉଟ୍ କରି ଅଷ୍ଟ୍ରେଲିଆକୁ ପ୍ରଥମ ସଫଳତା ଦେଇଥିଲେ । ପରେ ବ୍ୟାଟିଂ ପାଇଁ ଆସିଥିବା ବାବାର ଆଜମ ଆଉ ଏକ ସ୍ମରଣୀୟ ଇଂନିସ ଖେଳିବା ସହ ଇମାମଙ୍କ ସହ ୧୧୧ ରନ୍ର ଭାଗିଦାରୀ କରିଥିଲେ ।