ODI ଅଧିନାୟକ ହେବାପରେ ରୋହିତଙ୍କ ବଡ ବୟାନ, କହିଲେ ବାହାର ଚର୍ଚ୍ଚା ଭିତ୍ତିହୀନ

ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ପକ୍ଷରୁ ଜାରି କରାଯାଇଥିବା ଏକ ଭିଡିଓରେ ରୋହିତ କହିଛନ୍ତି, ଟିମର ପ୍ରତ୍ୟେକ ସଦସ୍ୟଙ୍କୁ ନିଜର ଖେଳ ଉପରେ ଧ୍ୟାନ କେନ୍ଦ୍ରୀତ କରିବା ଉଚିତ୍‌ । ବାହାରେ ହେଉଥିବା ଚର୍ଚ୍ଚା ଅମୂଳକ ଓ ଭିତ୍ତିହୀନ(immaterial) । ଏହାକୁ ବନ୍ଦ କରାଯାଇପାରିବ ନାହିଁ । ଅଧିକ ପଢନ୍ତୁ

ନୂଆଦିଲ୍ଲୀ:ଭାରତୀୟ ହ୍ବାଇଟ୍‌ବଲ ଟିମର ଅଧିନାୟକ ନିଯୁକ୍ତ ହେବାପରେ ରୋହିତ ଶର୍ମା(Rohit Sharma)ଙ୍କ ବୟାନ ସାମ୍ନାକୁ ଆସିଛି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(BCCI) ପକ୍ଷରୁ ଜାରି କରାଯାଇଥିବା ଏକ ଭିଡିଓରେ ରୋହିତ କହିଛନ୍ତି, ଟିମର ପ୍ରତ୍ୟେକ ସଦସ୍ୟଙ୍କୁ ନିଜର ଖେଳ ଉପରେ ଧ୍ୟାନ କେନ୍ଦ୍ରୀତ କରିବା ଉଚିତ୍‌ । ବାହାରେ ହେଉଥିବା ଚର୍ଚ୍ଚା ଅମୂଳକ ଓ ଭିତ୍ତିହୀନ(immaterial) । ଏହାକୁ ବନ୍ଦ କରାଯାଇପାରିବ ନାହିଁ ।

ଗତ ବୁଧବାର ରୋହିତଙ୍କୁ ଭାରତର ନୂଆ ODI ଅଧିନାୟକ ଭାବେ ନିଯୁକ୍ତ କରିଛି BCCI । ଆଗାମୀବର୍ଷ ଜାନୁଆରୀରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ଦିନିକିଆ ସିରିଜରେ ବିରାଟ କୋହଲିଙ୍କ ଠାରୁ ଦିନିକିଆ ଟିମର ନେୃତ୍ବତ୍ବ ଗ୍ରହଣ କରିବେ ରୋହିତ ।

ରୋହିତ କହିଛନ୍ତି, "ଭାରତ ପାଇଁ କ୍ରିକେଟ ଖେଳୁଥିଲେ ସର୍ବଦା ଅଧିକ ଚାପ ରହିଥାଏ । ଆଗକୁ ମଧ୍ୟ ଏହି ଚାପ ରହିବ । ଅନେକ ଲୋକେ ସକରାତ୍ମକ ଓ ନକରାତ୍ମକ କଥା ଚର୍ଚ୍ଚା କରିବେ । ଜଣେ ଅଧିନାୟକ ଭାବେ ନୁହେଁ ବରଂ ଜଣେ ଖେଳାଳି ଭାବେ ଲୋକଙ୍କ କଥା ଉପରେ ଧ୍ୟାନ ନଦେଇ ନିଜ କାମ କରିବା ଉଚିତ୍‌ । ଲୋକେ ଅନେକ କଥା କହିବେ ଏହାକୁ ବନ୍ଦ କରାଯାଇପାରିବ ନାହିଁ ।"

ଦିନିକିଆ ଫର୍ମାଟରେ ବିରାଟ କୋହଲିଙ୍କ ନେତୃତ୍ବରେ ଟିମ ଇଣ୍ଡିଆର ବିଜୟ ପ୍ରତିଶତ ରହିଛି ପ୍ରାୟ ୭୦ ପ୍ରତିଶତ, ଯାହାକି ଅନ୍ୟ ଅଧିନାୟକ ମାନଙ୍କ ଠାରୁ ଅନେକଗୁଣରେ ଅଧିକ । ତେବେ ହଠାତ୍‌ ବିରାଟ କୋହଲିଙ୍କୁ ହଟାଯାଇ ତାଙ୍କ ସ୍ଥାନରେ ରୋହିତଙ୍କୁ ଅଧିନାୟକ କରାଯିବା ନେଇ ଫ୍ୟାନ୍ସଙ୍କ ସମାଲୋଚନାର ଶିକାର ହୋଇଛି BCCI ।

ବ୍ୟୁରୋ ରିପୋର୍ଟ, ଇଟିଭି ଭାରତ