କଟକ: ବାରବାଟୀକୁ ପୂର୍ଣ୍ଣ ଦର୍ଶକଙ୍କୁ BCCI ଅନୁମତି ଦେବା ପରେ ଆଜି ରାଜ୍ୟ ସରକାର ମଧ୍ୟ ଦେଇଛନ୍ତି ଗ୍ରୀନ ସିଗନାଲ । ମ୍ୟାଚ ପରିଚାଳନା ନେଇ OCA ସମ୍ମିଳନୀ କକ୍ଷରେ ଆୟୋଜିତ ଏକ ଉଚ୍ଚସ୍ତରୀୟ ବୈଠକରେ ନିଷ୍ପତ୍ତି ପରେ ଅନଲାଇନ ଟିକେଟ ବିକ୍ରି ପାଇଁ ପ୍ରକ୍ରିୟା ଆରମ୍ଭ ହୋଇଛି । ଜୁନ୍ ୧ ତାରିଖରୁ ଅନଲାଇନ ଟିକେଟ ଉପଲବ୍ଧ ହେବ ।
ଜୁନ 12 ରେ ବାରବାଟୀରେ ଅନୁଷ୍ଠିତ ହେବ ଭାରତ ଏବଂ ଦକ୍ଷିଣ ଆଫ୍ରିକା ଟି-20 ସିରିଜର ଦ୍ବିତୀୟ ମ୍ୟାଚ । ଏହାର ସୁପରିଚାଳନା ନେଇ ଆଜି(ଶୁକ୍ରବାର) OCA ସମ୍ମିଳନୀ କକ୍ଷରେ ଆୟୋଜିତ ହୋଇଛି ଉଚ୍ଚସ୍ତରୀୟ ବୈଠକ । ମ୍ୟାଚ ପାଇଁ ଜୁନ୍ 1 ରୁ ଅନ୍ଲାଇନ ଟିକେଟ ମିଳିବା ନେଇ ବୈଠକରେ ନିଷ୍ପତ୍ତି ନିଆଯିବା ସହ ଚଳିତ ଥର ଟିକେଟ ଦର ମଧ୍ୟ ବୃଦ୍ଧି ପାଇଥିବା ଘୋଷଣା ହୋଇଛି । ପୂର୍ବ ଅପେକ୍ଷା 18 ପ୍ରତିଶତ GST ଆଧାରରେ ଟିକେଟ ଦର ବଢିଥିବା ନେଇ ସୂଚନା ଦେଇଛନ୍ତି କ୍ରୀଡ଼ା ସଚିବ ଭିନିଲ କ୍ରିଷ୍ନା ।
ଗ୍ୟାଲେରୀ 1,2,3 ପାଇଁ 900 ଟଙ୍କା, ଗ୍ୟାଲେରୀ 2 ଓ 4 ପାଇଁ 700 ଟଙ୍କା, ଗ୍ୟାଲେରୀ 7 ପାଇଁ 600 ଟଙ୍କା , ଗ୍ୟାଲେରୀ 6 ନମ୍ବର( player concession)300 ଟଙ୍କା, ସ୍ପେଶାଲ ଏନକ୍ଲୋଜର-5000, ଏସି ବକ୍ସ-7000, ନ୍ୟୁ ପାଭିଲିୟନ-8000, କର୍ପୋରେଟ ବକ୍ସ -12000 ଏହିପରି ବୃଦ୍ଧି ପାଇଛି ।