ମ୍ୟାଚ୍ ସମୟରେ ପଡ଼ିଆ ମଧ୍ୟକୁ ପଶିଗଲେ ମହୁମାଛି
ଲକ୍ଷ୍ନୌ: ମେରଟରେ ଜାରି ରହିଛି ଓଡ଼ିଶା ଓ ଉତ୍ତରପ୍ରଦେଶ ମଧ୍ୟରେ ରଣଜୀ ମ୍ୟାଚ୍ । ତେବେ ବୁଧବାର ମ୍ୟାଚ୍ ସମୟରେ ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଥିଲା । ମ୍ୟାଚ୍ ଚାଲିଥିବା ସମୟରେ ଅମ୍ପାୟାରଙ୍କ ସମେତ ସମସ୍ତ ଖେଳାଳି ପଡ଼ିଆରେ ଶୋଇ ପଡ଼ିଥିଲେ । ଏହା ଦେଖି ଉପସ୍ଥିତ ଦର୍ଶକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ହଠାତ ପଡ଼ିଆ ମଧ୍ୟକୁ ମହୁମାଛି ଆସିଯିବାରୁ ଏଭଳି ଘଟିଥିବା ଜଣାପଡ଼ିଛି ।
ଓଡ଼ିଶା ଓ ଉତ୍ତରପ୍ରଦେଶ ମଧ୍ୟରେ ଚାଲିଥିବା ଏହି ମ୍ୟାଚ୍ ସମୟରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା । ତେବେ ହଠାତ ପଡ଼ିଆ ମଧ୍ୟକୁ ମହୁମାଛି କେଉଁଠାରୁ ଆସିଥିଲେ, ତାହା ଜଣାପଡ଼ିନାହିଁ । ତେବେ ମହୁମାଛି ଆକ୍ରମଣରୁ ବଞ୍ଚିବା ପାଇଁ ଅମ୍ପାୟାରଙ୍କ ସମେତ ସମସ୍ତ ଖେଳାଳି ପଡ଼ିଆ ମଧ୍ୟରେ ଶୋଇଯାଇଥିଲେ ।