କଟକ: ଓଡିଶା କ୍ରିକେଟ ଆସୋସିଏସନ(OCA)କୁ ମଜବୁତ କରିବେ ଓଡ଼ିଆ କୋଚ୍ । ଜାଫରଙ୍କ ସ୍ଥାନରେ ଆର ଶ୍ରୀକାନ୍ତଙ୍କୁ ଓସିଏ ମୁଖ୍ୟ କୋଚ୍ ହିସାବରେ ଦାୟିତ୍ୱ ଦେଇଛି । ଏବେ ଓଡ଼ିଆ କୋଚ୍ ଆଗାମୀ ସିଜିନରେ ଓଡିଶା ଟିମକୁ ସଫଳ କରାଇବେ ବୋଲି ଆଶା ରଖିଛି ସଂଘ । ଆର୍ ଶ୍ରୀକାନ୍ତ ଓଡିଶା ଟିମକୁ ସଫଳତା ଦେବା ଦିଗରେ ଗୁରୁ ଦାୟିତ୍ବ ତୁଲାଇବେ ବୋଲି OCA ସିଇଓ ସୁବ୍ରତ ବେହେରା କହିଛନ୍ତି ।
ସେ କହିଛନ୍ତି ଯେ, "ପୂର୍ବରୁ ଅନେକ ଅନ୍ତରାଷ୍ଟ୍ରୀୟ କୋଚ୍ ଓସିଏକୁ ଆସିଛନ୍ତି । ମାତ୍ର ସେହି ସମୟସୀମା ମଧ୍ୟରେ ଟିମ ଓଡିଶାକୁ ଆଖିଦୃଶିଆ ସଫଳତା ମିଳିପାରିନି । ବର୍ତ୍ତମାନ ସମୟରେ ଓଡ଼ିଆ କୋଚ୍ଙ୍କୁ ନେଇ ଅଧିକ ଫୋକସ କରାଯାଉଛି । କାରଣ ୱାସିମ ଜାଫରଙ୍କ କାର୍ଯ୍ୟକାଳ ଶେଷ ପୂର୍ବରୁ ସେ ପଦରୁ ଇସ୍ତଫା ଦେଇଛନ୍ତି । ତଥାପି ଏହାକୁ ନେଇ ଓଡିଶା କ୍ରିକେଟ ସଙ୍ଘ କୌଣସି ଦୁଃଖ ପ୍ରକାଶ କରିନାହିଁ । କାରଣ ଆର ଶ୍ରୀକାନ୍ତ ବିସିସିଆଇର ଲେଭେଲ 3 କୋଚ୍ ରହିଥିବାରୁ ତାଙ୍କୁ ମୁଖ୍ୟ କୋଚ୍ ହିସାବରେ ଚୟନ କରିଛି ଓଡିଶା କ୍ରିକେଟ ସଙ୍ଘ ।
ଇଟିଭି ଭାରତ, କଟକ