ୱେଲିଂଟନ:କ୍ରିକେଟରୁ ନ୍ୟୁଜିଲାଣ୍ଡ ଖେଳାଳି ରସ ଟେଲରଙ୍କ ଅବସର ଘୋଷଣା (Ross Taylor To Retire From International Cricket ) । ବାଂଲାଦେଶ ବିପକ୍ଷ ଟେଷ୍ଟ ସିରିଜ ତାଙ୍କ ଶେଷ ମ୍ୟାଚ ହେବ । ଏ ନେଇ ଟ୍ବିଟ କରି ସୂଚନା ଦେଇଛନ୍ତି ଟେଲର । ୩୭ ବର୍ଷୀୟ ଏହି ଖେଳାଳିଙ୍କର ବିଶ୍ବ ଚାମ୍ପିୟନସିପରେ ଗୁରୁତ୍ବପୂର୍ଣ୍ଣ ଭୂମିକା ଥିଲା । ନିଜ ଦେଶ ପକ୍ଷରୁ ପ୍ରତିନିଧିତ୍ବ କରିଥିବାରୁ ନିଜକୁ ଧନ୍ୟ ମନେ କରିଛନ୍ତି ଟେଲର । ୧୭ ବର୍ଷର ଅବିଶ୍ବସନୀୟ ଯାତ୍ରା ପାଇଁ ସମସ୍ତଙ୍କୁ ଧନ୍ୟବାଦ ଦେଇଛନ୍ତି ।
୨୦୦୬ରେ କ୍ରିକେଟ ଜଗତରେ ଡେବ୍ୟୁ କରିଥିଲେ । ନ୍ୟୁଜିଲାଣ୍ଡର ଜଣେ ଦକ୍ଷ ଖେଳାଳି ଥିଲେ ଟେଲର । ଦଳ ପାଇଁ ସର୍ବାଧିକ ୧୮,୦୭୪ ରନ ସଂଗ୍ରହ କରିଛନ୍ତି । ଟେଷ୍ଟରେ ୭, ୫୮୪ ରନ ସଂଗ୍ରହ କରିଛନ୍ତି ଏହି ଖେଳାଳି । ଦିନିକିଆରେ ୮, ୫୮୧ରନ ସହ ୨୧ ଥର ଶତକ ହାସଲ କରିଛନ୍ତି । ସବୁ ଫର୍ମାଟରେ ୪୦ ଥର ଶତକ ହାସଲ କରିଛନ୍ତି ଟେଲର । ସମସ୍ତ ତିନୋଟି ଫର୍ମାଟରେ ଆନ୍ତର୍ଜାତୀୟ ଶତକ ହାସଲ କରିବାରେ ପ୍ରଥମ ଖେଳାଳି ହେଉଛନ୍ତି ରସ ଟେଲର । ୨୦୧୫ରେ ଅଷ୍ଟ୍ରେଲିଆରେ ସର୍ବାଧିକ 290 ରନ ହାସଲ କରିଥିଲେ । ସମସ୍ତ ଭଲ ଜିନିଷ ସମାପ୍ତ ହୁଏ । ଆଉ ଏବେ ସେହି ଠିକ ସମୟ ମୋ ପାଇଁ ଆସିଛି । ମୋ ଯାତ୍ରାରେ ମୋ ସାଥ ଦେଇଥିବାରୁ ମୁଁ ମୋର ପରିବାର, ବନ୍ଧୁ ଏବଂ ସମସ୍ତଙ୍କୁ ଧନ୍ୟବାଦ ଦେଉଛି ।