ନୂଆଦିଲ୍ଲୀ:ଜିମ୍ବାୱେ ବିପକ୍ଷ ପ୍ରଥମ ଦିନିକିଆରେ ଦମଦାର ବିଜୟ ହାସଲ କରିଛି ଭାରତ (India beat Zimbabwe in first ODI) । ଦୁଇ ଓପନର ଶିଖର ଧାୱନ ଓ ଶୁଭମନ ଗିଲ୍ଙ୍କ ଅପରାଜିତ ଇଂନିସ ବଳରେ ମାତ୍ର ୩୦.୫ ଓଭରରେ ୧୯୦ ରନ୍ର ବିଜୟ ଲକ୍ଷ୍ୟକୁ ହାସଲ କରିନେଇଛି ଭାରତ । ଫଳରେ ୩ ଟିକିଆ ଦିନିକିଆ ସିରିଜ୍ରେ ଭାରତ ୧-୦ରେ ଆଗୁଆ ହୋଇଛି ।
ବିନା କୌଣସି ୱିକେଟରେ ଏହି ବିଜୟ ହାସଲ କରିଛି ଭାରତ । ଦୁଇ ଭାରତୀୟ ଓପନର ଶିଖର ଧାୱନ ଓ ଶୁଭମନ ଗିଲ୍ ଯଥାକ୍ରମେ ୮୧ ଓ ୮୨ ରନ୍ କରି ଭାରତକୁ ବିଜୟୀ କରାଇଛନ୍ତି । ଧାୱନ୍ ୯ଟି ଚୌକା ସହ ୮୧ ରନ୍ କରିଥିବା ବେଳେ ଶୁଭମନ୍ ଗିଲ୍ ୧୦ଟି ଚୌକା ଓ ଗୋଟିଏ ଛକା ସହ ୮୨ ରନ୍ କରିଛନ୍ତି । ପ୍ରଥମେ ବ୍ୟାଟିଂ କରି ଭାରତ ସମ୍ମୁଖରେ ୧୯୦ ବିଜୟ ଲକ୍ଷ୍ୟ ରଖିଥିଲା ଜିମ୍ବାୱେ ।