ୱିଣ୍ଡହୋକ: ନାମ୍ବିଆଙ୍କୁ ଟିଟ୍ବେଣ୍ଟି ବିଶ୍ବକପ 2024 ଯୋଗ୍ୟତା ମିଳିଛି । ପ୍ରଥମ ଆଫ୍ରିକା ଆଞ୍ଚଳିତ ଦଳ ଭାବେ ଆସନ୍ତାବର୍ଷ ହେବାକୁ ଥିବା ଟିଟ୍ବେଣ୍ଟି ବିଶ୍ବକପ ପାଇଁ ଯୋଗ୍ୟତା ଅର୍ଜନ କରିଛି ନାମ୍ବିଆ । ଯୋଗ୍ୟତା ପର୍ଯ୍ୟାୟରେ ତାଞ୍ଜାନିଆ ବିପକ୍ଷରେ 58ରନ ବିଜୟ ହାସଲ କରି ଟିଟ୍ବେଣ୍ଟି ବିଶ୍ବକପ ଟିକେଟ ହାତେଇଛି ଦଳ । ଲଗାତାର ତୃତୀୟ ଥର ପାଇଁ ଟି-20 ବିଶ୍ବକପ ଟିକେଟ୍ ପକ୍କା କରିଛି । ଏଯାଏ ଦଳ ମୋଟ 5ଟି ମ୍ୟାଚ ଖେଳି ଅପରାଜେୟ ରହିଛି ।
ଯୋଗ୍ୟତା ପର୍ଯ୍ୟାୟରେ ନାମ୍ବିଆ ତାର ପ୍ରଥମ ମ୍ୟାଚରେ ଜିମ୍ବାୱେ, ଦ୍ବିତୀୟ ମ୍ୟାଚରେ ଉଗାଣ୍ଡା, ତୃତୀୟ ମୁକାବିଲାରେ ରାୱାଣ୍ଡା, ପରେ କେନିଆ ଓ ପଞ୍ଚମ ମ୍ୟାଚରେ ତାଞ୍ଜାନିଆକୁ ଭେଟିଥିଲା । ତାଞ୍ଜାନିଆକୁ 58ରନରେ ହରାଇ ଦଳ ଟେବୁଲ ଟପ୍ରେ ରହିଛି । ଦଳର ଜେଜେ ସ୍ମିଟ୍ ପ୍ଲେୟାର ଅଫ ଦି୍ ମ୍ୟାଚ ବିବେଚିତ ହୋଇଥିଲେ । ନାମ୍ବିଆ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ 20 ଓଭରରେ 6 ୱିକେଟ ହରାଇ 157 ରନ୍ କରିଥିଲା । ଦଳ ପକ୍ଷରୁ ଜେଜେ ସ୍ମିଟ ସର୍ବାଧିକ 40 ରନ୍ କରିଥିଲେ । ତାଞ୍ଜାନିଆର ୟାଲିଣ୍ଡ ଏନକେନ୍ୟା ଓ ଅଖିଳ ଅନୀଲ 2ଟି ଲେଖାଏଁ ୱିକେଟ ନେଇଥିଲେ । 158ରନ ବିଜୟ ଲକ୍ଷ୍ୟ ପିଛା କରୁଥିବା ନାମ୍ବିଆ ମାତ୍ର 99 ରନ୍ କରିବାକୁ ସକ୍ଷମ ହୋଇଥିଲା । ଦଳ ପକ୍ଷରୁ ଅମନ ରାଜୀବନ ସର୍ବାଧିକ 41 ରନ କରିଥିଲେ । ନାମ୍ବିଆ ପକ୍ଷରୁ ଗେରାର୍ଡ ଏରାସମସ 2ଟି ୱିକେଟ ନେଇଥିଲେ ।