ରାଞ୍ଚି:ପୂର୍ବତନ ଭାରତୀୟ କ୍ୟାପଟେନ ମହେନ୍ଦ୍ର ସିଂହ ଧୋନି କ୍ରିକେଟରୁ ଦୂରରେ ଥିଲେ ମଧ୍ୟ ନିଜର ସମୟକୁ ନିଆରା ଢଙ୍ଗରେ ଉପଭୋଗ କରୁଛନ୍ତି । ଯେବେ ଧୋନି କୌଣସି ମ୍ୟାଚ୍ ଖେଳନ୍ତି ନାହିଁ, ସାମ୍ନାକୁ ନ ଆସି ବ୍ୟକ୍ତିଗତ ଜୀବନକୁ ଅଧିକ ପ୍ରାଧାନ୍ୟ ଦିଅନ୍ତି । ଏପରିକି ସୋସିଆଲ ମିଡିଆ ଠାରୁ ଦୂରରେ ରହି ଚର୍ଚ୍ଚାର ପରିସରକୁ ଆସନ୍ତି ନାହିଁ । ତେବେ ପତ୍ନୀ ସାକ୍ଷୀ ଧୋନିଙ୍କ ନିଆରା କାରନାମାକୁ ସୋସିଆଲ ମିଡିଆରେ ସେୟାର କରି ଫ୍ୟାନ୍ସଙ୍କୁ ଉତ୍ସାହିତ କରାଇଥାନ୍ତି । ଧୋନିଙ୍କ ସହ ରାଞ୍ଚିରେ ରହୁଛନ୍ତି ସାକ୍ଷୀ ।
ଶନିବାର (ଜୁଲାଇ 12) ସନ୍ଧ୍ୟାରେ, ସାକ୍ଷୀ ଫ୍ୟାନ୍ସଙ୍କ ଅପେକ୍ଷା ଶେଷ କରିବା ସହ ଧୋନିଙ୍କ କିଛି ଭିଡିଓ ସେୟାର କରିଛନ୍ତି । ଯାହାକି ଧୋନିଙ୍କ ଫ୍ୟାନ୍ସଙ୍କ ମଧ୍ୟରେ ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଭିଡିଓରେ ଧୋନି, ଘୋଡା ସହ ଦୌଡ ପ୍ରତିଯୋଗିତା କରୁଥିବା ନଜର ଆସିଛନ୍ତି ।