ହାଇଦ୍ରାବାଦ: ବାଂଲାଦେଶ ବିପକ୍ଷରେ ଆରମ୍ଭ ହେବାକୁ ଥିବା ଦିନିକିଆ ଦଳରୁ ବାଦ ପଡ଼ିଲେ ଭାରତୀୟ ଅନୁଭବୀ ଦ୍ରୁତ ବୋଲର ମହମ୍ମଦ ଶାମି (Mohammed Shami) । ହାତରେ ଆଘାତ ଲାଗିବା କାରଣରୁ ଶାମିଙ୍କୁ ଦଳରୁ ବାଦ ଦିଆଯାଇଛି । ତେବେ ତାଙ୍କ ସ୍ଥାନରେ ଯୁବ ବୋଲର ଉମ୍ରାନ ମଲିକଙ୍କୁ (Umran Malik) ଦଳରେ ସାମିଲ କରିଛି ବିସିସିଆଇ । ଏହା ପୂର୍ବରୁ ଭାରତର ନ୍ୟୁଜିଲାଣ୍ଡ ଗସ୍ତ ସମୟରେ ଉମ୍ରାନ ଦଳରେ ପଦାର୍ପଣ କରିଥିଲେ । ଦୁଇଟି ମ୍ୟାଚ୍ରୁ ୩ ଟି ୱିକେଟ ହାସଲ କରିଥିଲେ ଉମ୍ରାନ ।
ତେବେ ଆସନ୍ତା ଡିସେମ୍ବର ୧୪ରୁ ହେବାକୁ ଥିବା ଟେଷ୍ଟ ଶୃଙ୍ଖଳା ମଧ୍ୟ ଖେଳି ନପାରନ୍ତି ମହମ୍ମଦ ଶାମି । ଏହି ଅନୁଭବୀ ଦ୍ରୁତ ବୋଲର ଆସନ୍ତା ବର୍ଷ ହେବାକୁ ଥିବା ଦିନିକିଆ ବିଶ୍ବକପରେ ପାଇଁ ଭାରତୀୟ ଦଳର ଅଭିନ୍ନ ଅଂଶ । ତେବେ ଆସନ୍ତା ବର୍ଷ ଜୁନରେ ଓଭାଲରେ ହେବାକୁ ଥିବା ବିଶ୍ବ ଟେଷ୍ଟ ଚାମ୍ପିୟନସିପ ଫାଇନାଲ ଦୌଡ଼ିରେ ରହିବାକୁ ହେଲେ ଭାରତକୁ ପ୍ରତି ମ୍ୟାଚ ଜିତିବା ଜରୁରୀ ହୋଇ ପଡ଼ିଛି । ଏଭଳି ପରିସ୍ଥିତିରେ ଟେଷ୍ଟ ମ୍ୟାଚରେ ଚମତ୍କାର ପ୍ରଦର୍ଶନ ଜାରି ରଖିଥିବା ଶାମି ଯଦି ଟେଷ୍ଟ ଶୃଙ୍ଖଳାରୁ ବାହାରି ଯାଆନ୍ତି, ତେବେ ଭାରତର ଦ୍ରୁତ ବୋଲିଂ ଆକ୍ରମଣ ଦୁର୍ବଳ ହୋଇଯିବ । ଏନେଇ ଭାରତୀୟ ଅଧିନାୟକ ରୋହିତ ଶର୍ମା ଓ ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ଼ ମଧ୍ୟ ଚିନ୍ତିତ ।
ବାଂଲାଦେଶ ବିପକ୍ଷରେ ଭାରତର ଦିନିକିଆ ମ୍ୟାଚ ସୂଚୀ
୪ ଡିସେମ୍ବର, ରବିବାର:- ପ୍ରଥମ ଦିନିକିଆ