ମୁମ୍ବାଇ: ଭାରତୀୟ ମହିଳା କ୍ରିକେଟ ଟିମର କ୍ୟାପେଟନ ମିତାଲି ରାଜଙ୍କ ବାୟୋପିକ 'ସାବାସ ମିତୁ'ର ଟିଜର ସୋମବାର ରିଲିଜ ହୋଇଛନ୍ତି । ଟିଜରରେ ପ୍ରଥମ ଥର ଅଭିନେତ୍ରୀ ତାପସୀ ପନ୍ନୁ ମିତାଲି ରାଜଙ୍କ ଲୁକ୍ରେ ବ୍ୟାଟ୍ ଧରିଥିବା ନଜର ଆସିଛନ୍ତି । ତାପସୀ ଭାରତୀୟ କ୍ରିକେଟର ଲୁକ୍ରେ ଭଲ ଦିଶୁଛନ୍ତି । ଟିଜରକୁ ସେ ନିଜର ସୋସିଆଲ ମିଡିଆରେ ସେୟାର କରିଛନ୍ତି ।
ଏହି ଭିଡିଓକୁ ନିଜେ ମିତାଲି ରାଜ ମଧ୍ୟ ଟ୍ବିଟ୍ରରେ ସେୟାର କରିଛନ୍ତି । ଏହି ଟିଜର ଭିଡିଓର କ୍ୟାପ୍ସନରେ ମିତାଲି ଲେଖିଛନ୍ତି, ସାଧାରଣ ଲୋକଙ୍କ ଖେଳରେ ସେ ଇତିହାସ ରଚିଲେ ଓ ନିଜର କାହାଣି ବନାଇଲେ । ତେବେ ଏଯାବତ ଏହି ଫିଲ୍ମର ରିଲିଜ ତାରିଖ ଘୋଷଣା ହୋଇନାହିଁ । ଏହି ଟିଜର ଭିଡିଓରେ କମେଣ୍ଟ୍ରୀ ଚାଲୁଛି ଓ ମିତାଲି ରାଜଙ୍କ ରେକର୍ଡ ସ୍କ୍ରୀନରେ ଦେଖାଯାଇଛି ।
ଫିଲ୍ମରେ ବଲିଉଡ ଅଭିନେତ୍ରୀ ତାପସୀ ପନ୍ନୁ କିମ୍ବଦନ୍ତୀ ଭାରତୀୟ ମହିଳା କ୍ରିକେଟର ମିତାଲି ରାଜଙ୍କ ଚରିତ୍ରରେ ଅଭିନୟ କରିଛନ୍ତି । ଶ୍ରୀଜିତ ମୁଖାର୍ଜୀଙ୍କ ଏହି ଫିଲ୍ମର ଫିଲ୍ମର କାହାଣୀ ଭାରତୀୟ ମହିଳା ଦିନିକିଆ କ୍ରିକେଟ ଟିମର କ୍ୟାପେଟନ ମିତାଲି ରାଜଙ୍କ ଜୀବନକାହାଣୀ ଉପରେ ଆଧାରିତ ।