ଲାହୋର: ପାକିସ୍ତାନ ପୁରୁଷ କ୍ରିକେଟ ଟିମର ମୁଖ୍ୟ କୋଚ୍ ପଦ ଛାଡିଲେ ମିଶବାହ-ଉଲ-ହକ୍ । ବୋଲିଂ କୋଚ୍ ୱାକର ୟୁନିସ ମଧ୍ୟ ନିଜ ପଦରୁ ଇସ୍ତଫା ଦେଇଛନ୍ତି । ସୋମବାର ସକାଳେ ଉଭୟ ନିଜର ନିଷ୍ପତ୍ତି ପାକିସ୍ତାନ କ୍ରିକେଟ ବୋର୍ଡ(PCB)କୁ ଜଣାଇଛନ୍ତି ।
ସେପ୍ଟେମ୍ବର ୧୧ରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଓ ୫ ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳିବାକୁ ନ୍ୟୁଜିଲାଣ୍ଡ ଟିମ ପାକିସ୍ତାନ ପହଞ୍ଚିବାର ସୂଚୀ ରହିଛି । ପାକିସ୍ତାନ ଟିମ ମଧ୍ୟ ସେପ୍ଟେମ୍ବର ୮ ସୁଦ୍ଧା ଇସଲାମାବାଦରେ ପହଞ୍ଚିବ । ଏହି ସିରିଜକୁ ଦୃଷ୍ଟିରେ ରଖି ପାକିସ୍ତାନ କ୍ରିକେଟ ବୋର୍ଡ ସକଲେନ ମୁସ୍ତାକ ଓ ଅବଦୁଲ ରଜାକଙ୍କୁ ଅନ୍ତରୀଣ କୋଚ୍ ନିଯୁକ୍ତ କରିଛି ।