ନୂଆଦିଲ୍ଲୀ: ଫଟାଫଟ କ୍ରିକେଟର ମେଗା ଟୁର୍ଣ୍ଣାମେଣ୍ଟ ଟି20 ବିଶ୍ବକପର ଆୟୋଜକ ରହିଛି ଭାରତ । ଚଳିତ ବର୍ଷ ଶେଷ ଭାଗରେ ଏହି ହାଇଭୋଲଟେଜ ଆଇସିସି ଇଭେଣ୍ଟ ଖେଳାଯିବା ନେଇ ସୂଚୀ ରହିଛି । ତେବେ ଦେଶର କୋଭିଡ-19 ସ୍ଥିତି ସଂପୂର୍ଣ୍ଣ ଠିକ୍ ହୋଇନଥିବାରୁ ଏହି ଟୁର୍ଣ୍ଣାମେଣ୍ଟ ଭାରତରେ ନୁହେଁ ବରଂ ୟୁଏଇରେ ଆୟୋଜନ କରିପାରେ ବିସିସିଆଇ । ଶନିବାର ଏମିତି କିଛି ସଙ୍କେତ ଦେଇଛନ୍ତି, ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ସମ୍ପାଦକ ଜୟ ଶାହା ।
"ଦେଶରେ କୋଭିଡ-19 ସ୍ଥିତି ଗମ୍ଭୀର ଯୋଗୁଁ ଆମେ ଟୁର୍ଣ୍ଣାମେଣ୍ଟକୁ ୟୁଏଇ ସ୍ଥାନାନ୍ତର କରିପାରୁ । ଶୀଘ୍ର ଚୂଡାନ୍ତ ନିଷ୍ପତ୍ତି ନେଇ ଘୋଷଣା ହେବ, ସ୍ଥିତି ଉପରେ ତୀକ୍ଷ୍ମ ନଜର ରଖାଯାଇଛି ଓ ଖେଳାଳିଙ୍କ ସ୍ବାସ୍ଥ୍ୟ, ସୁରକ୍ଷା ଆମର ପ୍ରାଥମିକତା ।" ଏହା କହିଛନ୍ତି ଶାହା ।