100 ତମ ଟେଷ୍ଟ ମ୍ୟାଚ୍‌ ଖେଳିଲେ ଶ୍ରୀଲଙ୍କା କ୍ରିକେଟର ଆଞ୍ଜେଲୋ ମାଥ୍ୟୁସ

ଶ୍ରୀଲଙ୍କା କ୍ରିକେଟର ଆଞ୍ଜେଲୋ ମାଥ୍ୟୁସ 100ତମ ଟେଷ୍ଟ କ୍ରିକେଟ ଖେଳିବାର ଉପଲବ୍ଧି ହାସଲ କରିଛନ୍ତି । 2009 ମସିହା ଜୁଲାଇ 4 ତାରିଖରେ ଆଞ୍ଜେଲୋ ମାଥ୍ୟୁସ ପାକିସ୍ତାନ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ । ଅଧିକ ପଢନ୍ତୁ

ହାଇଦ୍ରାବାଦ: ଶ୍ରୀଲଙ୍କା କ୍ରିକେଟର ଆଞ୍ଜେଲୋ ମାଥ୍ୟୁସ 100 ତମ ଟେଷ୍ଟ ମ୍ୟାଚ୍‌ ଖେଳିଛନ୍ତି । 100 ଟେଷ୍ଟ ମ୍ୟାଚ୍‌ ଖେଳିବାର ଶ୍ରୀଲଙ୍କାର ଷଷ୍ଠତମ କ୍ରିକେଟର ହୋଇ ପାରିଛନ୍ତି ମାଥ୍ୟୁସ୍‌ । ଏହି ଉପଲବ୍ଧି ପରେ ଶ୍ରୀଲଙ୍କା ବୋଲିଂ କୋଚ ଚାମିନ୍ଦା ଭାସ୍‌ ଆଞ୍ଜେଲୋ ମାଥ୍ୟୁସଙ୍କୁ ଏକ ସ୍ବତନ୍ତ୍ର କ୍ୟାପ୍‌ ଦେଇ ସମ୍ମାନିତ କରିଛନ୍ତି । ଏନେଇ ଶ୍ରୀଲଙ୍କା କ୍ରିକେଟ ବୋର୍ଡ ଟ୍ବିଟ କରି ସୂଚନା ଦେଇଛି ।

ଶ୍ରୀଲଙ୍କା କ୍ରିକେଟ ବୋର୍ଡ ଟ୍ବିଟ୍‌ କରିଛି ଯେ, "ଆଞ୍ଜେଲୋ ମାଥ୍ୟୁସଙ୍କ 100ତମ ଟେଷ୍ଟ ମ୍ୟାଚ୍‌ ଖେଳିବା ଅବସରରେ ତାଙ୍କୁ ଏକ ସ୍ମାରକ ଟୋପି ପ୍ରଦାନ କରାଯିବା ସହିତ ବିଶେଷ ଉପହାର ଦିଆଯାଇ ସମ୍ମାନିତ କରାଯାଇଛି ।" 2009 ମସିହା ଜୁଲାଇ 4 ତାରିଖରେ ଏଞ୍ଜେଲୋ ମାଥ୍ୟୁସ ପାକିସ୍ତାନ ବିପକ୍ଷରେ ଶ୍ରୀଲଙ୍କା ଗାଲେ ଷ୍ଟାଡିୟମରେ ଟେଷ୍ଟ ଡେବ୍ୟୁ କରିଥିଲେ । ସେ 100ଟି ଟେଷ୍ଟ ମ୍ୟାଚ୍‌ ଖେଳି ଏପର୍ଯ୍ୟନ୍ତ 6918 ରନ୍‌ ସଂଗ୍ରହ କରିଛନ୍ତି ।

ଆଞ୍ଜେଲୋ ମାଥ୍ୟୁସଙ୍କ ପୂର୍ବରୁ ୫ ଜଣ ଶ୍ରୀଲଙ୍କା କ୍ରିକେଟର 100ତମ ଟେଷ୍ଟ ମ୍ୟାଚ ଖେଳିଛନ୍ତି । ମାହେଲା ଜୟବର୍ଦ୍ଧନ ସର୍ବାଧିକ 149ଟି ଟେଷ୍ଟ ମ୍ୟାଚ ଖେଳିଛନ୍ତି । ସେହିପରି କୁମାର ସାଙ୍ଗାକାରା 134ଟି ଟେଷ୍ଟ ମ୍ୟାଚ ଖେଳିଥିବା ବେଳେ ମୁଥିଆ ମୁରଲିଧରନ 133ଟି ଟେଷ୍ଟ ମ୍ୟାଚ ଖେଳିଛନ୍ତି । ସେହିପରି ଚାମିନ୍ଦା ଭାସ୍‌ 111ଟି ଏବଂ ସନଥ ଜୟସୂରିଆ 110ଟି ଟେଷ୍ଟ୍‌ ମ୍ୟାଚ ଖେଳିଛନ୍ତି ।