ହାଇଦ୍ରାବାଦ:ଭାରତୀୟ କ୍ରିକେଟପ୍ରେମୀଙ୍କ ପାଇଁ ଖୁସି ଖବର । ଦଳକୁ ଫେରିଲେ ଷ୍ଟାର ଫାଷ୍ଟ ବୋଲର ଜଶପ୍ରିତ ବୁମରା । ଶ୍ରୀଲଙ୍କା ବିପକ୍ଷରେ ହେବାକୁ ଥିବା ଦିନିକିଆ ସିରିଜ ଖେଳିବେ ବୁମରା । ଏନେଇ ବିସିସିଆଇ ଆଜି (ମଙ୍ଗଳବାର) ସୂଚନା ଦେଇଛି ।
ଟିମ ଇଣ୍ଡିଆର ବୋଲିଂ ବ୍ୟାକବୋନ୍ ବୁମରା ଆହତ ଜନିତ ସମସ୍ୟା ନେଇ ଟିମ୍ ଇଣ୍ଡିଆରୁ ବାଦ ପଡିଥିଲେ । ଏବେ ସେ ସୁସ୍ଥ ହୋଇ ଟିମ ଇଣ୍ଡିଆକୁ କମବ୍ୟାକ୍ କରିଛନ୍ତି । ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରେ ଏଥର ଦେଖିବାକୁ ମିଳିବ ବୁମରାଙ୍କ ଦମଦାର ସୋ । ଘରୋଇ ମାଟିରେ ଖେଳାଯିବାଥିବା ଏହି ଦିନିକିଆ ସିରିଜରେ ଜଶପ୍ରିତ ବୁମରାଙ୍କ ନାମ ସାମିଲ କରିଛି ବିସିସିଆଇ ।
ଶ୍ରୀଲଙ୍କା ବିପକ୍ଷ ଦିନିକିଆ ସିରିଜ ପାଇଁ BCCI ପୂର୍ବରୁ ସ୍କ୍ବାଡ ଘୋଷଣା କରିଥିଲା । ଆଜି ଦିନିକିଆ ସ୍କ୍ବାଡରେ ବୁମରାଙ୍କ ନାମକୁ ସାମିଲ କରାଯାଇଛି । ଜାନୁଆରୀ ୧୦ ତାରିଖରେ ପ୍ରଥମ ଦିନିକିଆ ଗୌହାଟୀରେ ଖେଳାଯିବ । ଦ୍ବିତୀୟ ଦିନିକିଆ ଜାନୁଆରୀ ୧୨ ତାରିଖ କୋଲକାତାରେ ଖେଳାଯିବ । ତୃତୀୟ ଦିନିକିଆ ଜାନୁଆରୀ ୧୫ ତାରିଖ ତ୍ରିଭେନ୍ଦ୍ରମରେ ଖେଳାଯିବ ।