ଲଣ୍ଡନ:ଭାରତୀୟ ଦ୍ରୁତ ବୋଲର ଜଶପ୍ରୀତ ବୁମରା ସୋମବାର ଆଉ ଏକ ବିରଳ କିର୍ତ୍ତୀମାନ ନିଜ ନାମରେ କରିଛନ୍ତି । କ୍ରିକେଟର ଲମ୍ବା ଫର୍ମାଟରେ ୧୦୦ ୱିକେଟ ପୂରଣ କରିଛନ୍ତି ବୁମରା । ଇଂଲଣ୍ଡ ବିପକ୍ଷ ଚଳିତ ଓଭାଲ ଟେଷ୍ଟର ପଞ୍ଚମ ଦିନରେ ଏହି ସଫଳତା ହାସଲ କରିଛନ୍ତି ବୁମରା । ଏଥିସହିତ କପିଳ ଦେବଙ୍କ ରେକର୍ଡକୁ ଅତିକ୍ରମ କରିବା ସହ ଦ୍ବିତୀୟ ଦ୍ରୁତତମ ଭାରତୀୟ ଦ୍ରୁତ ବୋଲର ଭାବେ ୧୦୦ ଟେଷ୍ଟ ୱିକେଟ ହାସଲ କରିଛନ୍ତି । ନିଜର ୨୪ତମ ମ୍ୟାଚ୍ରେ ଏହି ମାଇଲଷ୍ଟୋନକୁ ଅତିକ୍ରମ କରିଛନ୍ତି ବୁମରା ।
ଓଭାଲ ଟେଷ୍ଟର ପଞ୍ଚମ ଦିନରେ ଦ୍ବିତୀୟ ସେସନରେ ଓଲି ପୋପଙ୍କ ୱିକେଟ ଦଖଲ ସହ ୱିକେଟ ସେଞ୍ଚୁରୀ କରିଥିଲେ । ଏଥିସହିତ ରବିନ୍ଦ୍ର ଜାଡେଜାଙ୍କ ସହିତ ଯୁଗ୍ମ ଭାବେ ଅଷ୍ଟମ ଦ୍ରୁତତମ ଭାରତୀୟ ବୋଲର ଭାବେ ୧୦୦ ୱିକେଟ ହାସଲ କରିଛନ୍ତି ବୁମରା ।