ଆବୁଧାବି: ଇତିହାସ ରଚିଲେ ଆୟରଲାଣ୍ଡ ଦ୍ରୁତ ବୋଲର କର୍ଟିସ କ୍ୟାମ୍ପର । ଅନ୍ତର୍ଜାତୀୟ ଟି-୨୦ କ୍ରିକେଟ ଇତିହାସରେ ଲଗାତାର ୪ଟି ବଲ୍ରେ ୪ ଟି ୱିକେଟ ହାସଲ କରିବାରେ ତୃତୀୟ ବୋଲର ହୋଇଛନ୍ତି କ୍ୟାମ୍ପର୍ । ପୂର୍ବରୁ ଏହି ରେକର୍ଡ ଲସିଥ ମାଲିଙ୍ଗା ଓ ରସିଦ ଖାନ୍ଙ୍କ ନାମରେ ଥିଲା । ଏବେ ଏହି ବିରଳ ରେକର୍ଡ ତାଲିକାରେ ନିଜର ନାମ ଯୋଡିଛନ୍ତି କ୍ୟାମ୍ପର୍ ।
ଚଳିତ ICC ପୁରୁଷ ଟି-୨୦ ବିଶ୍ବକପ ଟୁର୍ଣ୍ଣାମେଣ୍ଟରେ ସୋମବାର ନେଦରଲାଣ୍ଡ ବିପକ୍ଷ ଗ୍ରୁପ ଏ ମ୍ୟାଚ୍ରେ ଆୟରଲାଣ୍ଡ ବୋଲର କ୍ୟାମ୍ପ୍ର ଏହି ସଫଳତା ହାସଲ କରିଛନ୍ତି ।
ମ୍ୟାଚ୍ର ଦଶମ ଓଭରରେ ସେ କଲିନ ଆକରମନ, ରନ ଟେନ ଡସକେଟ୍, ସ୍କଟ୍ ଏଡୱାର୍ଡସ ଓ ପିଟର ସିଲରଙ୍କୁ ଲଗାତାର ଆଉଟ୍ କରି ପାଭିଲିୟର ଫେରାଇଦେଇଥିଲେ ।