ମୁମ୍ବାଇ: ଚଳିତ IPL2022 ୫୪ତମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(RCB) ଏବଂ ସନରାଇଜର୍ସ ହାଇଦ୍ରାବାଦ(SRH) ମଧ୍ୟରେ ଖେଳାଯାଉଛି । ପ୍ରଥମେ ବ୍ୟାଟିଂ କରି 192 ରନ୍ ସଂଗ୍ରହ କରିଛି ରୟାଲ ଟିମ୍ । ଫଳରେ ହାଇଦ୍ରାବାଦ ଆଗରେ 193 ରନର ଟାର୍ଗେଟ ରହିଛି ।
ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳା ଯାଉଥିବା ଆଜିର ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ବାଙ୍ଗାଲୋର । ମ୍ୟାଚ ଆରମ୍ଭରୁ ବିରାଟ କୋହଲିଙ୍କ ମୂଲ୍ୟବାନ ୱିକେଟ ହରାଇ ଦୁର୍ବଳ ହୋଇ ପଡିଥିଲା ଟିମ୍ । ଏହାପରେ ଦଳକୁ ଶକ୍ତି ଯୋଗାଇ ଥିଲେ କ୍ୟାପ୍ଟେନ ଫାପ ଡୁପ୍ଲେସିସ ଏବଂ ରଜତ ପଟିଦାର । ଉଭୟଙ୍କ ଭାଗିଦାରୀରେ ଦଳୀୟ ସ୍କୋର ୧୦୫ ରେ ପହଞ୍ଚିଥିଲା । ଏହାପରେ ପଟିଦାର ୪୮ ରନ୍ କରି ପାଭିଲିୟନ ଫେରି ଯାଇଥିଲେ ।