ମୁମ୍ବାଇ:ମହିଳା ଆଇପିଏଲ ଦ୍ବିତୀୟ ଦିନରେ ଆଜି ଡବଲ ହେଡର ମ୍ୟାଚ ରହିଛି । ପ୍ରଥମ ମ୍ୟାଚ ରୟାଲ ଚାଲେଞ୍ଜର୍ସ ବାଙ୍ଗାଲୋର ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯିବାକୁ ଥିବାବେଳେ ଦ୍ବିତୀୟଟି ୟୁପି ୱାରିୟର୍ସ ଓ ଗୁଜୁରାଟ ଜାଏଣ୍ଟ୍ସ ମଧ୍ୟରେ ହେବ । ବ୍ରାବୋର୍ଣ୍ଣ ଷ୍ଟାଡିୟମରେ ଅପରାହ୍ନ 3ଟା 30ରେ ବାଙ୍ଗାଲୋର-ଦିଲ୍ଲୀ ମୁକାବିଲା ଓ ସନ୍ଧ୍ୟା 7ଟା 30ରେ ଡିୱାଇ ଷ୍ଟାଡିୟମରେ ଗୁଜୁରାଟ ଓ ୟୁପି ୱାରିୟର୍ସ ମଧ୍ୟରେ ମ୍ୟାଚ ଅନୁଷ୍ଠିତ ହେବ । ଗୁଜୁରାଟ ଜାଏଣ୍ଟ୍ସର ଏହା ଦ୍ବିତୀୟ ମୁକାବିଲା । ଅନ୍ୟ 3 ଦଳର ଏହା ପ୍ରଥମ ମୁକାବିଲା ।
RCB VS DC:ମହିଳା ପ୍ରିମିୟର ଲିଗ ଦ୍ବିତୀୟ ମ୍ୟାଚରେ ରୟାଲ ଚାଲେଞ୍ଜର୍ସ ବାଙ୍ଗାଲୋର ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଅଭିଯାନ ଆରମ୍ଭ କରିବ । ଷ୍ଟାର ବ୍ୟାଟର ସ୍ମୃତି ମାନ୍ଧାନାଙ୍କ ନେତୃତ୍ବରେ ଗ୍ରାଉଣ୍ଡକୁ ଓହ୍ଲାଇବ ଆରସିବି । ସେହିପରି ଦିଲ୍ଲୀ କ୍ୟାପିଟାଲ୍ସ ଦଳର ନେତୃତ୍ବ ନେଇଛନ୍ତି ଅଷ୍ଟ୍ରେଲିଆ ଖେଳାଳି ମେଗ ଲାନିଙ୍ଗ । ବ୍ରାବୋର୍ଣ୍ଣ ଷ୍ଟାଡିୟମରେ 170ରନରୁ ଅଧିକ କରିବା ଏକପ୍ରକାର ଚାଲେଞ୍ଜ ହେବ । ବୋଲରଙ୍କ ପାଇଁ ପିଚ ସୁହାଇ ନପାରେ । ଉଭୟ ଦଳ ବିଜୟରୁ ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛନ୍ତି ।
UP warriorz vs Gujarat: ମହିଳା ଆଇପିଏଲ ଦ୍ବିତୀୟ ଦିନରେ ତୃତୀୟ ମୁକାବିଲା ଗୁଜୁରାଟ ଜାଏଣ୍ଟ୍ସ ଓ ୟୁପି ୱାରିୟର୍ସ ମଧ୍ୟରେ ଖେଳାଯିବ । ଗୁଜୁରାଟ ଜାଏଣ୍ଟ୍ସର ଏହା ଦ୍ବିତୀୟ ମୁକାବିଲା । ଉଦଘାଟନୀ ମ୍ୟାଚରେ ମୁମ୍ବାଇ ବିପକ୍ଷରେ 142 ରନରେ ପରାସ୍ତ ହୋଇଥିଲା ଗୁଜୁରାଟ । ପ୍ରଥମ ମୁକାବିଲାରେ କରିଥିବା ତ୍ରୁଟିକୁ ସୁଧାରି ବେଥ ମୁନୀଙ୍କ ନେତୃତ୍ବରେ ମଇଦାନକୁ ଓହ୍ଲାଇବ ଦଳ । ସେହିପରି ଆଲିସା ହିଲିଙ୍କ ନେତୃତ୍ବରେ ମହିଳା ପ୍ରିମିୟର ଲିଗ ପ୍ରଥମ ମ୍ୟାଚ ଖେଳିବାକୁ ଯାଉଛି ୟୁପି ୱାରିୟର୍ସ । ଡିୱାଇ ଷ୍ଟାଡିୟମରେ ଖେଳାଯିବ ମ୍ୟାଚ ।
ଏହା ବି ପଢନ୍ତୁ...WPL 2023: ମୁମ୍ବାଇର ବିଜୟରୁ ଅଭିଯାନ ଆରମ୍ଭ, 143 ରନରେ ହାରିଲା ଗୁଜୁରାଟ