ଦୁବାଇ: ଚେନ୍ନାଇ ସୁପର କିଙ୍ଗ୍ସ(CSK) ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ଖେଳାଯାଇଥିବା ଶେଷ ଲିଗ୍ ମ୍ୟାଚ୍ରେ ପଞ୍ଜାବ କିଙ୍ଗ୍ସ ଠାରୁ ପରାସ୍ତ ହେବାପରେ ଫ୍ୟାନ୍ସ ନିରାଶ ହୋଇଥିଲେ । ମ୍ୟାଚ୍ ଶେଷରେ ଷ୍ଟାର ବୋଲର ଦୀପକ ଚହର ଏମିତି କିଛି କାମ କରିଛନ୍ତି ଯାହା, ଫ୍ୟାନ୍ସଙ୍କୁ ଖୁସି ହେବାକୁ ବାଧ୍ୟ କରିଛନ୍ତି ।
ଷ୍ଟାର CSK ବୋଲର ଦୀପକ ଚହର, ପଞ୍ଜାବ ବିପକ୍ଷ ମ୍ୟାଚ୍ ପରେ ଭରା ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ନିଜର ବାନ୍ଧବୀଙ୍କୁ ପ୍ରପୋଜ କରିଛନ୍ତି । ସମସ୍ତଙ୍କ ସାମ୍ନାରେ ପରସ୍ପର ଆଲିଙ୍ଗନ କରିବା ସହ ରିଙ୍ଗ୍ ପିନ୍ଧାଇଥିଲେ । ଯାହାକି ଔପଚାରିକ ଭାବେ ନିର୍ବନ୍ଧ ଶେଷ ହୋଇଥିବା କୁହାଯାଉଛି ।
ମ୍ୟାଚ୍ ପରେ ଭିଆଇପି ଦର୍ଶକ ଗ୍ୟାଲେରୀରେ ପହଞ୍ଚିଥିଲେ ଚହର । ପ୍ରେମିକ ଅନ୍ଦାଜରେ ପ୍ରେମ ନିବେଦନ ପରେ ପକେଟରୁ ରିଙ୍ଗ୍ ବାହାର କରି ପିନ୍ଧାଇଥିଲେ । ଏପଟେ କମେଣ୍ଟ୍ରୀ ବକ୍ସରୁ ଲାଇଭ କମେଣ୍ଟ୍ରୀ ମଧ୍ୟ ଚାଲିଥିଲା । ' ଆଣ୍ଡ୍ ସି ସେଡ୍ ୟେସ୍, ବିୟୁଟିଫୁଲ୍ କପଲ୍' ।