ଜୟପୁର:ଆଇପିଏଲ 2021 ସିଜିନ ପାଇଁ ଉନ୍ମୋଚିତ ହେଲା ରାଜସ୍ଥାନ ରୟାଲ୍ସର ନୂଆ ଜର୍ସି। ଜୟପୁର ସବାଇ ମାନସିଂହ ଷ୍ଟାଡିୟମରେ ଥ୍ରୀଡି ଶୋ' ଜରିଆରେ ରାଜସ୍ଥାନର ନୂତନ ଜର୍ସି ଉନ୍ମୋଚିତ ହୋଇଛି। ଏହି ଥ୍ରୀଡି ଲାଇଟ ଶୋ'ର ପ୍ରସାରଣ କରାଯାଇଥିଲା। ଯାହାଫଳରେ ମୁମ୍ବାଇରେ ବାୟୋବବଲରେ ରହିଥିବା ରାଜସ୍ଥାନ ରାୟଲ୍ସ ଖେଳାଳିଙ୍କୁ ସମସ୍ତ ପ୍ରଶଂସକ ଦେଖି ପାରିଥିଲେ।
2008 ମସିହାରେ ଆଇପିଏଲର ପ୍ରଥମ ସଂସ୍କରଣରେ ଚମ୍ପିଆନ ହୋଇଥିଲା ରାଜସ୍ଥାନ ରୟାଲ୍ସ। ଚଳିତ ବର୍ଷ କେବଳ 6ଟି ଷ୍ଟାଡିୟମରେ ଆଇପିଏଲ ଆୟୋଜନ କରିବାକୁ ନିଷ୍ପତ୍ତି ନେଇଛି ବିସିସିଆଇ। ଫଳରେ ଘରୋଇ ପଡ଼ିଆରେ ରାଜସ୍ଥାନ ରୟାଲ୍ସ କୌଣସି ମ୍ୟାଚ ଖେଳି ପାରିବ ନାହିଁ। ଏଥିପାଇଁ ଏହି ପଡ଼ିଆରେ ଥ୍ରୀଡି ଶୋ' ଜରିଆରେ ଫ୍ୟାନମାନଙ୍କୁ ଆକର୍ଷିତ କରାଯାଇଛି।