ନୂଆଦିଲ୍ଲୀ: ଆଇପିଏଲ 2021 ଅଧାରୁ ସ୍ଥଗିତ ହେବାପରେ ମାଳଦୀପରେ ରହିଥିଲେ ନ୍ୟୁଜିଲାଣ୍ଡ କ୍ରିକେଟର । ତେବେ ସେଠାରେ କ୍ବାରେଣ୍ଟିନ ଅବଧି ଶେଷ କରିବା ପରେ ଚଳିତ ସପ୍ତାହ ଶେଷ ସୁଦ୍ଧା ନ୍ୟୁଜିଲାଣ୍ଡ କ୍ରିକେଟର ଇଲଂଣ୍ଡ ଗସ୍ତ କରିବେ । ଏହାକୁ ନେଇ ଦଳର ମୁଖ୍ୟ କୋଚ ଗାରୀ ଷ୍ଟେଡ ସୂଚନା ଦେଇଛନ୍ତି । ଅଧିନାୟକ କେନ ୱିଲିୟମଙ୍କ ସହ 4 ଜଣ କ୍ରିକେଟର ମାଳଦୀପରେ କ୍ବାରେଣ୍ଟିନରେ ରହିଥିଲେ ।
ଇଂଲଣ୍ଡ ସହ ଦୁଇଟି ଟେଷ୍ଟ ମ୍ୟାଚ ସିରିଜ ଖେଳିବ ନ୍ୟୁଜିଲାଣ୍ଡ । ଆଇପିଏଲ ସ୍ଥଗିତ ହେବାପରେ କେନ ୱିଲିୟମ, ମିଚେଲ ସାଣ୍ଟନର, କାୟର ଜାମିସନ ଓ ଫିଜିଓ ଟମି ସିମସେକ ମାଳଦୀପରେ ଆଇସୋଲେସନରେ ରହିଥିଲେ । ଜୁନ 2 ତାରିଖରୁ ଇଂଲଣ୍ଡ ଓ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜ ଆରମ୍ଭ ହେବ । ଏହାପରେ ଭାରତ ବିପକ୍ଷରେ ଟେଷ୍ଟ ଚମ୍ପିଆନସିପ ଫାଇନାଲ ଖେଳିବ ନ୍ୟୁଜିଲାଣ୍ଡ ।