ଚେନ୍ନାଇ:'ଅଷ୍ଟ୍ରେଲିଆ ପାଇଁ ମୋର ଭୂମିକା, ଯାହା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ମଧ୍ୟ ତାହା।' ଏଭଳି ମନ୍ତବ୍ୟ ଦେଇଛନ୍ତି ଆରସିବିର ଆକ୍ରାମକ ବ୍ୟାଟସମ୍ୟାନ ଗ୍ଲେନ ମାକ୍ସୱେଲ। ସନରାଇଜର୍ସ ହାଇଦ୍ରାବାଦ ବିପକ୍ଷରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର 6 ରନରେ ବିଜୟୀ ହୋଇଥିଲା । ଏହି ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ ଗ୍ନେନ ମାକ୍ସୱେଲ। ଏହି ମ୍ୟାଚରେ ବାଙ୍ଗାଲୋର ମୋଟ 149 ରନ କରିଥିବାବେଳେ ମାକ୍ସୱେଲ ଏକାକୀ 59 ରନ କରିଥିଲେ।
ମ୍ୟାଚ ପରେ ଏକ ସାକ୍ଷାତକାରରେ ମାକ୍ସୱେଲ କହିଛନ୍ତି ଯେ, "ଏଥର ଆଇପିଏଲରେ ମୋତେ ଭଲ ଆରମ୍ଭ ମିଳିଛି। ନୂଆ ଫ୍ରାଞ୍ଚାଇଜିରେ ମୋ ଭୂମିକା ସ୍ପଷ୍ଟ ରହିଛି । ମୋ ପଛରେ ସର୍ବଶ୍ରେଷ୍ଠ ବ୍ୟାଟସମ୍ୟାନ ରହିଛନ୍ତି। ଅଷ୍ଟ୍ରେଲିଆ ଦଳ ପାଇଁ ମୋ ଭୂମିକା ଯାହା ଏଠାରେ ମଧ୍ୟ ମୁଁ ସେହି ଭୂମିକା ବହନ କରୁଛି।"