ନୂଆଦିଲ୍ଲୀ:ତାମିଲନାଡ଼ୁ ବ୍ୟାଟସମ୍ୟାନ ଶାହାରୁଖ ଖାନଙ୍କୁ କିଣିଲା ପଞ୍ଜାବ କିଙ୍ଗସ ଦଳ । ସୟଦ ମୁସ୍ତାକ ଅଲି ଟ୍ରଫିରେ ଦମଦାର ପ୍ରଦର୍ଶନ କରିଥିଲେ ଶାହାରୁଖ ଖାନ। ଏହାକୁ ନଜର ରଖି ପଞ୍ଜାବ କିଙ୍ଗସ ଦଳ ତାଙ୍କୁ 5.25 କୋଟିରେ ଟଙ୍କାରେ ନିଜ ଦଳରେ ସାମିଲ କରିଛି। ତେବେ ଏହାପରେ ପଞ୍ଜାବ କିଙ୍ଗସ ଦଳ ମାଲିକ ପ୍ରୀତି ଜିଣ୍ଟା ଓ କୋଲକାତା ନାଇଟ ରାଇଡର୍ସ ଦଳ ମାଲିକ ତଥା ବଲିଉଡ ହିରୋ ଶାହାରୁଖ ଖାନଙ୍କୁ ନେଇ ଟ୍ବିଟରରେ ମିମ୍ ଭାଇରାଲ ହେବାକୁ ଲାଗିଛି।
ଭିର ଜାରା, ଦିଲ ସେ, କଭି ଅଲବିଦା ନା କେହନା ଓ କଲ ହୋ ନା ହୋ ଚଳଚିତ୍ରରେ ନାୟକ ନାୟିକା ଚଳଚିତ୍ରରେ ନଜର ଆସିଛନ୍ତି ପ୍ରୀତି ଜିଣ୍ଟା ଓ ଶାହାରୁଖ ଖାନ। ଉଭୟ ଭଲ ବନ୍ଧୁ ମଧ୍ୟ, ତେବେ ଆପିଏଲରେ ଦୁଇ ଜଣ ଗୋଟିଏ ଗୋଟିଏ ଦଳର ମାଲିକ। ପଞ୍ଜାବ ଦଳର ମାଲିକ ପ୍ରୀତି ଜିଣ୍ଟା ରହିଥିବା ବେଳେ କୋଲକାତା ନାଇଟ ରାଇଡର୍ସ ଦଳର ମାଲିକ ହେଉଛନ୍ତି ଶାହାରୁଖ ଖାନ। ଆଇପିଏଲରେ ଦୁଇ ଦଳ ମଧ୍ୟରେ କଡ଼ା ପ୍ରତିଦ୍ବନ୍ଦିତା ଦେଖିବାକୁ ମିଳେ। ପଞ୍ଜାବ କିଙ୍ଗସ ଦଳରେ ସାମିଲ ହୋଇଥିବା ତାମିଲାନାଡ଼ୁ ବ୍ୟାଟସମ୍ୟାନଙ୍କ ନାମ ଶାହାରୁଖ ଖାନ ହୋଇଥିବାରୁ ସୋସିଆଲ ମିଡିଆରେ ଏହାକୁ ନେଇ ମିମ ଭାଇରାଲ ହୋଇଛି।
ଜଣେ ଟ୍ବିଟର ୟୁଜର ଲେଖିଛନ୍ତି ଯେ, ଶାହାରୁଖ ଖାନଙ୍କୁ ପ୍ରୀତି ମାଗଣାରେ ନେଇ ପାରିଥାନ୍ତେ। କିନ୍ତୁ ସେ ଏଥିପାଇଁ 5.25 କୋଟି ଟଙ୍କା ଦେବାକୁ ମନସ୍ଥ କରିଛନ୍ତି।
ସେହିଭଳି ଆଉ ଜଣେ ୟୁଜର ଟ୍ବିଟରରେ ଶାହାରୁଖଙ୍କ ଫଟୋ ସେୟାର କରି ଲେଖିଛନ୍ତି ଯେ, ଶାହାରୁଖ ପଞ୍ଜାବ କିଙ୍ଗସ 5.24 କୋଟି ଟଙ୍କାରେ କିଣିଲା।