ହାଇଦ୍ରାବାଦ:IPL ୨୦୨୨ରେ ୧୩ତମ ମ୍ୟାଚ୍ରେ ରାଜସ୍ତାନ ରୟାଲ୍ସକୁ ୪ ୱିକେଟରେ ମାତ୍ ଦେଇଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଏହାପରେ ପଏଣ୍ଟ ଟେବୁଲର ଷଷ୍ଠ ସ୍ଥାନରେ ପହଞ୍ଚିଛି RCB । ଏହା ଚଳିତ ଟୁର୍ଣ୍ଣାମେଣ୍ଟରେ RCBର ଦ୍ବିତୀୟ ବିଜୟ । ୧୩ଟି ମ୍ୟାଚ୍ ପରେ କିଛି ଏଭଳି ରହିଛି IPL 2022 ପଏଣ୍ଟ ଟେବୁଲ ।
ସେପଟେ ଦିଲ୍ଲୀ କ୍ୟାପିଟାଲ୍ସ ଗୋଟିଏ ସ୍ଥାନ ତଳକୁ ଖସି ସପ୍ତମ ସ୍ଥାନରେ ପହଞ୍ଚିଛି । ବର୍ତ୍ତମାନ ସୁଦ୍ଧା ଅଧିକାଂଶ ଦଳ ୩ଟି ଲେଖାଏଁ ମ୍ୟାଚ ଖେଳି ସାରିଛନ୍ତି । ଷଷ୍ଠ ସ୍ଥାନ ପର୍ଯ୍ୟନ୍ତ ରହିଥିବା ସମସ୍ତ ଦଳକୁ ୪ ପଏଣ୍ଟ ଲେଖାଏଁ ମିଳିଛି । ଏଭଳି ସ୍ଥିତିରେ RCBଠାରୁ ପରାଜୟ ସତ୍ତ୍ବେ ରାଜସ୍ତାନ ରୟାଲ୍ସ ନେଟ ରନ୍ରେଟ ମୁତାବକ ଟପ୍ରେ ଅପରିବର୍ତ୍ତିତ ରହିଛି ।