ମୁମ୍ବାଇ:ଆଇପିଏଲ ଯାତ୍ରା ଆରମ୍ଭ କରିବାକୁ ଚେନ୍ନାଇ ଗସ୍ତ କଲା କୋଲକାତା ନାଇଟ ରାଇଡର୍ସ ଦଳ। ଦୁଇଥରର ଆଇପିଏଲ ଚମ୍ପିଆନ କେକେଆର ଆଇପିଏଲ 14ତମ ସଂସ୍କରଣର ପ୍ରଥମ ତିନୋଟି ମ୍ୟାଚ ଚେନ୍ନାଇରେ ଖେଳିବ। ପୂର୍ବରୁ ଚେନ୍ନାଇର ହୋଟଲରେ କୋଲକାତାର କୁଳଦୀପ ଯାଦବ, ଲକି ଫର୍ଗୁସନ ଓ ପ୍ୟାଟ କମିନ୍ସ କ୍ବାରେଣ୍ଟିନରେ ରହିଛନ୍ତି।
ପ୍ରଥମ ମ୍ୟାଚରେ ସନରାଇଜର ହାଇଦ୍ରାବାଦକୁ ଭେଟିବ କୋଲକାତା ନାଇଟ ରାଇଡର୍ସ ଦଳ। ଏପ୍ରିଲ 11 ତାରିଖରେ ଏହି ମ୍ୟାଚ ଖେଳାଯିବ। ଏହାପରେ ଏପ୍ରିଲ 13 ତାରିଖରେ ମୁମ୍ବାଇ ଇଣ୍ଡିଆନ୍ସ ଓ ଏପ୍ରିଲ 18 ତାରିଖରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସହ ମ୍ୟାଚ ଖେଳିବ କୋଲାକାତା ନାଇଟ ରାଇଡର୍ସ।