ଦୁବାଇ:ଆଉ କିଛି ସମୟ ପରେ ଆରମ୍ଭ ହେବାକୁ ଯାଉଛି ଇଣ୍ଡିଆନ ପ୍ରିମିୟର ଲିଗ୍(IPL) 2021ର ଫାଇନାଲ ମୁକାବିଲା । ତେବେ ଏହି ହାଇଭୋଲଟେଜ ଟକ୍କର ପୂର୍ବରୁ କୋଲକାତା ନାଇଟ ରାଇଡର୍ସ(KKR) ମୁଖ୍ୟ କୋଚ୍ ବ୍ରେଣ୍ଡନ ମାକ୍ୟୁଲମଙ୍କ ବଡ ବୟାନ ସାମ୍ନାକୁ ଆସିଛି । ମାକ୍ୟୁଲମ କହିଛନ୍ତି, କୋଲକାତା ପାଖରେ ଫାଇନାଲରେ ହାରିବାକୁ କିଛି ନାହିଁ, ଯାହା ଟିମକୁ ଅଧିକ ବିପଦଜ୍ଜନକ କରିବ । ଶୁକ୍ରବାର ଚେନ୍ନାଇ ସୁପର କିଙ୍ଗ୍ସ(CSK) ବିପକ୍ଷରେ IPL 2021 ଫାଇନାଲ ମୁକାବିଲା ପୂର୍ବରୁ କୋଲକାତା ନାଇଟ୍ ରାଇଡର୍ସ(KKR) ଖେଳାଳିଙ୍କୁ ପ୍ରେରଣାଦାୟକ ବକ୍ତବ୍ୟ ରଖିଛନ୍ତି ।
IPL ୨୦୨୧ର ପ୍ରଥମ ପର୍ଯ୍ୟାୟରେ ମାତ୍ର ଦୁଇଟି ମ୍ୟାଚ୍ ଜିତିଥିଲା KKR । ମାତ୍ର UAE ଲିଗ୍ରେ ଦମଦାର ପ୍ରଦର୍ଶନ ସହ ପ୍ଲେ-ଅଫ୍ ପାଇଁ ଯୋଗ୍ୟତା ଅର୍ଜନ କରିଥିଲା । ପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(RCB) ଓ ଦିଲ୍ଲୀ କ୍ୟାପିଟାଲ୍ସ(DC)କୁ ହରାଇ ଫାଇନାଲ ଟିକେଟ ହାତେଇଥିଲା ।