ନୂଆଦିଲ୍ଲୀ: କିଙ୍ଗ କୋହଲିଙ୍କ ନାମରେ ଆଉ ଏକ ରେକର୍ଡ ଯୋଡି ହୋଇଛି । ଆଇପିଏଲରେ 7 ହଜାର ରନ କ୍ଲବରେ ସାମିଲ ହୋଇଛନ୍ତି ରୟାଲ ଚାଲେଞ୍ଜର୍ସ ବାଙ୍ଗାଲୋର ଖେଳାଳି ବିରାଟ କୋହଲି । ଦିଲ୍ଲୀ ବିପକ୍ଷ ମ୍ୟାଚରେ ବିରାଟ କୋହଲି 55ରନ କରିଥିଲେ । ଏହି ରନ ସହିତ ସେ ଆଇପିଏଲରେ 7 ହଜାର ରନ ପୂରଣ କରିଥିବା ପ୍ରଥମ ଖେଳାଳି ହୋଇଛନ୍ତି । ଚଳିତ ଆଇପିଏଲରେ ବିରାଟ କୋହଲିଙ୍କ ଏହା ଆଉ ଏକ ରେକର୍ଡ ।
ଆଇପିଏଲ 16 ତମ ସଂସ୍କରଣରେ ଗତକାଲି ଘରୋଇ ଦିଲ୍ଲୀ ଓ ବାଙ୍ଗାଲୋର ମଧ୍ୟରେ ଏକ ମ୍ୟାଚ ଖେଳାଯାଇଥିଲା । ଏଥିରେ ବିରାଟ କୋହଲି ଦିଲ୍ଲୀ ବିପକ୍ଷରେ ଅର୍ଦ୍ଧଶତକ ହାସଲ କରିଥିଲେ । ମ୍ୟାଚରେ ଓପନିଂରେ ଆସିଥିବା କୋହଲି 46 ବଲରେ 5ଚୌକା ସହାୟତାରେ 55ରନ କରିଥିଲେ । ଏହା ସହିତ କୋହଲି ଆଇପିଏଲରେ 7000 ରନ ପୂରଣ କରିଥିଲେ । ଏହା କୋହଲିଙ୍କ 50ତମ ଅର୍ଦ୍ଧଶତକ ଥିଲା । ଆଇପିଏଲ ଇତିହାସରେ 7 ହଜାର ରନ କରିଥିବା ପ୍ରଥମ ଖେଳାଳି ହୋଇଛନ୍ତି । ଏହା ପୂର୍ବରୁ ପ୍ରଥମ ଖେଳାଳି ଭାବେ ମଧ୍ୟ ସେ 6 ହଜାର ରନ ପୂରଣ କରିଥିଲେ ।
7 ହଜାର ରନ କ୍ଲବରେ ସାମିଲ ହେବାକୁ ମାତ୍ର 12 ରନ ଆବଶ୍ୟକ ଥିଲା । ମୋଟ 233 ଆଇପିଏଲ ମ୍ୟାଚରୁ କୋହଲିଙ୍କ ରନ 7043ରନରେ ପହଞ୍ଚିଛି । ଯେଉଁଥିରେ 5ଟି ଶତକ ଓ 50ଟି ଅର୍ଦ୍ଧଶତକ ରହିଛି । କୋହଲିଙ୍କ ପଛକୁ ଆଇପିଏଲରେ ସର୍ବାଧିକ ରନ ସଂଗ୍ରହକାରୀଙ୍କ ମଧ୍ୟରେ ଶିଖର ଧାୱନ (6536), ଡେଭିଡ ୱାର୍ଣ୍ଣର (6189) ଓ ରୋହିତ ଶର୍ମା (6063) ରହିଛନ୍ତି ।