ହାଇଦ୍ରାବାଦ:ଆଜି ଆଇପିଏଲରେ ରହିଛି ଡବଲହେଡର ମ୍ୟାଚ । ଲକ୍ଷ୍ନୌ ସୁପର ଜାଏଣ୍ଟସକୁ ଭେଟିବ ଗୁଜୁରାଟ ଟାଇଟନ୍ସ ଓ ମୁମ୍ବାଇ ଇଣ୍ଡିଆନ୍ସକୁ ଭେଟିବ ପଞ୍ଜାବ କିଙ୍ଗ୍ସ । ଅପରାହ୍ନ ସମୟରେ ଜିଟି ଓ ଏଲଏସଜି ମଧ୍ୟରେ ମୁକାବିଲା ହେବ । ପ୍ରଥମ ଥର ପାଇଁ ଘରୋଇ ଗ୍ରାଉଣ୍ଡରେ ଗୁଜୁରାଟକୁ ଭେଟିବ ଲକ୍ଷ୍ନୌ । ଏଣୁ ଆଜିର ମ୍ୟାଚରେ ବିଜୟୀ ହେବାକୁ ଦଳ ଲକ୍ଷ୍ୟ ରଖିଛି । ଅନ୍ୟପଟେ ପୂର୍ବ ମ୍ୟାଚରେ ରାଜସ୍ଥାନ ଠାରୁ ପରାଜିତ ହୋଇଥିବାରୁ ଆଜିର ମ୍ୟାଚରେ ପୁଣି ବିଜୟ ଧାରାକୁ ଫେରିବାରେ ଲକ୍ଷ୍ୟ ରଖିଛି ଟାଇଟନ୍ସ ।
ଏହା ମଧ୍ୟ ପଢନ୍ତୁ-IPL 2023: ରାହୁଲଙ୍କୁ 12 ଲକ୍ଷ ଟଙ୍କା ଜରିମାନା
ଲକ୍ଷ୍ନୌ ସୁପର ଜାଏଣ୍ଟସର ପ୍ରଦର୍ଶନ ବର୍ତ୍ତମାନ ସୁଦ୍ଧା ଭଲ ରହିଛି । ଦଳ ମୋଟ 6ଟି ମ୍ୟାଚ ଖେଳି 4ଟିରେ ବିଜୟୀ ହୋଇଥିବା ବେଳେ 2ଟିରେ ପରାଜିତ ହୋଇଛି । ସେହିପରି 8 ପଏଣ୍ଟ ସହ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି ଲକ୍ଷ୍ନୌ । ଅନ୍ୟପଟେ ଗୁଜୁରାଟ ବର୍ତ୍ତମାନ ସୁଦ୍ଧା ମୋଟ 5ଟି ମ୍ୟାଚ ଖେଳି 3ଟିରେ ବିଜୟୀ ହୋଇଛି । 6 ପଏଣ୍ଟ ସହ ପଏଣ୍ଟ ଟେବୁଲର ଚତୁର୍ଥ ସ୍ଥାନରେ ରହିଛି ପାଣ୍ଡ୍ୟାଙ୍କ ବାହିନୀ । ତେଣୁ କେଏଲ ରାହୁଲଙ୍କ ଟିମକୁ ଆଜି ମାତ୍ ଦେଇ ପଏଣ୍ଟ ଟେବୁଲର ଉପରକୁ ଉଠିବାକୁ ଚେଷ୍ଟା କରିବ ପାଣ୍ଡ୍ୟାଙ୍କ ଟିମ୍ ।