ମୁମ୍ବାଇ: ଚଳିତ ଇଣ୍ଡିଆନ ପ୍ରିମିୟର ଲିଗର(IPL 2022) ୪୩ତମ ମୁକାବିଲା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ଗୁଜରାଟ ଟାଇଟନ୍ସ ମଧ୍ୟରେ ଖେଳାଯାଉଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତି ନେଇଛନ୍ତି RCB କ୍ୟାପଟେନ ଫାଫ ଡୁପ୍ଲେସିସ୍ । ବିଜୟ ଟ୍ରାକ୍ରୁ ବିଚ୍ୟୁତ ହୋଇଥିବା ବାଙ୍ଗାଲୋର ପାଇଁ ଏହି ମ୍ୟାଚ୍ ବେଶ ଗୁରୁତ୍ବପୂର୍ଣ୍ଣ ରହିଛି ।
RCB ପାଇଁ ବ୍ୟାଟିଂ କ୍ରମରେ ପରିବର୍ତ୍ତନ ସହ ଓପନର ଅନୁଜଙ୍କୁ ଚୁଡାନ୍ତ ଏକାଦଶରୁ ବାଦ୍ ଦେବା ନିଷ୍ପତି ସଠିକ ପ୍ରମାଣିତ ହୋଇନାହିଁ । ଫର୍ମ ପାଇଁ ସଂଘର୍ଷ କରୁଥିବା ବିରାଟ କୋହଲିଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ । ସୁୟଶ ପ୍ରଭୂଦେଶାଇଙ୍କ ସ୍ଥାନରେ ମହୀପାଲ ଲୋମରଙ୍କୁ ଟିମ ସୁଯୋଗ ଦେଇଛି । ଅନ୍ୟପଟେ ୮ଟି ମ୍ୟାଚ୍ରୁ ୭ଟିରେ ବିଜୟ ସହ ପଏଣ୍ଟ ଟେବୁଲର ଶୀର୍ଷରେ ରହିଛି ଗୁଜରାଟ ଟାଇଟନ୍ସ । ଏହାମଧ୍ୟରେ ୪ଟି ମ୍ୟାଚ୍ ଶେଷ ଓଭରରେ ଓ ଦୁଇଟି ମ୍ୟାଚ୍ ଶେଷ ବଲ୍ରେ ଜିତିଛି ହାର୍ଦ୍ଦିକ ପାଣ୍ଡ୍ୟାଙ୍କ ଟିମ ।
ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ବ୍ରାବୋର୍ନୋ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଉଛି, ଯେଉଁଠାରେ ୨୦୩ ରନ୍ ଆଭରେଜ ପ୍ରଥମ ଇଂନିସ ସ୍କୋର ରହିଛି । ବିଶାଳ ବ୍ରାବୋର୍ନୋ ଗ୍ରାଉଣ୍ଡ ରହିଥିବାବେଳେ, ଗୋଟିଏପଟେ ବାଉଣ୍ଡ୍ରୀ ୭୯ ମିଟର ଓ ଅନ୍ୟପଟେ ୬୯ ମିଟର ରହିଛି ।