ମୁମ୍ବାଇ: ଆଇପିଏଲ ୨୦୨୨ ଟୁର୍ଣ୍ଣାମେଣ୍ଟର ୩୬ତମ ମୁକାବିଲାରେ ବିଜୟୀ ହୋଇଛି ସନରାଇଜର୍ସ ହାଇଦ୍ରାବାଦ । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ସହଜ ବିଜୟ ହାସଲ କରିଛି କେନ ୱିଲିୟସନଙ୍କ ଟିମ । ମାତ୍ର ୬୮ ରନ୍ରେ RCBକୁ ରୋକିବା ପରେ ୮ ଓଭରେ ଗୋଟିଏ ୱିକେଟ ହରାଇ ବିଜୟ ଲକ୍ଷ୍ୟ ହାସଲ କରିନେଇଛି SRH । ଅଭିଶେକ ବର୍ମା ୨୮ ବଲ୍ରୁ ୮ଟି ଚୌକା ଓ ଗୋଟିଏ ଛକା ସହାୟତାରେ ଦ୍ରୁତ ୪୭ ରନ୍ର ଇଂନିସ ଖେଳିଛନ୍ତି । କ୍ୟାପଟେନ କେନ ୱିଲିୟମସନ ଅପରାଜିତ ୧୬ ରନ୍ର କରି ଟିମକୁ ବିଜୟୀ କରାଇଥିଲେ । ଏହି ବିଜୟ ସହିତ SRH ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ପହଞ୍ଚିଯାଇଛି ।
ପୂର୍ବରୁ ବୋଲରଙ୍କ ଘାତକ ବୋଲିଂ ବଳରେ ହାଇଦ୍ରାବାଦ ମାତ୍ର ୬୮ ରନ୍ରେ RCBକୁ ଅଲଆଉଟ୍ କରିଥିଲା । ମାର୍କୋ ଜାନସେନ ଓ ଟି ନଟରାଜନ ସର୍ବାଧିକ ୩ଟି ଲେଖାଏଁ ୱିକେଟ ହାତେଇଥିଲେ । ଜେ ସୁଚିତ ୨ଟି, ଭୁବନେଶ୍ବର କୁମାର ଓ ଉରମାନ ମଲିକଙ୍କୁ ଗୋଟିଏ ଲେଖାଏଁ ୱିକେଟ ମିଲିଥିଲା ।